RAIS MWINYI:SERIKALI INAENDELEA KUWEKEZA KATIKA ELIMU YA JUU.

 RAIS MWINYI:SERIKALI INAENDELEA KUWEKEZA KATIKA ELIMU YA JUU.


Rais wa  Zanzibar na Mwenyekiti wa Baraza la Mapinduzi Dkt, Hussein Ali Mwinyi amesema Serikali Ina Wajibu Mkubwa wa Kuendelea Kuwekeza katika Elimu ya juu ili kuzalisha Wataalamu wengi zaidi watakaochangia Maendeleo katika Sekta tofauti na Ustawi wa Wananchi.

Rais Dkt.Mwinyi amesema hayo alipomuwakilisha  Rais wa Jamhuri ya Muungano wa Tanzania Dkt, Samia Suluhu  Hassan katika  Kongamano la Kumuenzi Mkuu  wa Kwanza wa Chuo Kikuu cha Afya na  Sayansi Shirikishi Tawi la Muhimbili  (MUHAS) Rais wa Awamu ya Pili ya Jamhuri ya Muungano wa Tanzania Hayati Ali Hassan Mwinyi na Uwekaji wa Jiwe la Msingi wa Ujenzi wa Ndaki ya Chuo hicho  jijini Dar es Salaam.

Aidha, Rais Dkt.Mwinyi amesema Serikali inathamini Mafanikio Makubwa yaliofikiwa na Chuo cha Muhas  tangu kuanzishwa kwake  yanayochangia kuzalisha Wataalamu katika Sekta ya Elimu, Afya, Ufanyaji wa Tafiti na Utoaji wa  huduma za Afya kwa jamii.


Halikadhalika Rais Dkt.Mwinyi amekipongeza Chuo cha Muhas kwa Mradi wa Upanuzi wa Miundonbinu ya Chuo hicho kupitia Mradi Unaofadhiliwa na Serikali ya Jamhuri ya Muungano wa Tanzania  kwa Ushirikiano na Benki ya Dunia na kuishukuru kwa Misaada yake kwa Tanzania.

Kwa upande mwingine, Rais Dkt.Mwinyi amekipongeza Chuo cha Muhas kwa Kuandaa Kongamano Maalum la Kumuenzi  Mkuu wa Kwanza wa Muhas Hayati Ali Hassan Mwinyi  na Uamuzi wa Kuanzisha Mfuko Maalum wa Ali Hassan Mwinyi Endowment Trust Fund ikiwa ni njia ya Kumuenzi.

Vilevile Rais Dkt.Mwinyi amekishauri Chuo cha Muhas Kuendeleza Mambo mazuri yalioanzishwa na  Hayati Mzee Ali Hassan Mwinyi kwa ajili ya Maendeleo Endelevu ya Chuo hicho alichokiongoza kwa Miaka 17 .

Rais Dkt. Mwinyi amezindua Vazi rasmi lililokuwa likivaliwa na Mzee Mwinyi wakati akihudumu akiwa Mkuu wa Chuo pamoja na Kukabidhiwa Tuzo Maalum ya Kumuenzi kwa Utumishi wake Uliotukuka.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more