Wenyeviti wa Vijiji na Vitongoji Wilayani Same Watakiwa Kufanya Kazi kwa Uwazi na Kuzingatia Sheria

WENYEVITI WA VIJIJI NA VITONGOJI WILAYANI SAME WATAKIWA KUFANYA KAZI KWA UWAZI NA KUZINGATIA SHERIA.

Same, Kilimanjaro. 

Wenyeviti wa vijiji na vitongoji wilaya ya Same, mkoani Kilimanjaro, wametakiwa kutekeleza majukumu yao kwa kuzingatia sheria, taratibu na miongozo. Aidha, wamehimizwa kusimamia kwa uwazi mapato na matumizi ya vijiji vyao, kutoa taarifa za miradi inayotekelezwa, na kuhakikisha wanashughulikia kero na malalamiko ya wananchi kwa ufanisi ili kuimarisha utawala bora.

Mkuu wa Wilaya ya Same, Mhe. Kasilda Mgeni, ametoa wito huo wakati wa mafunzo maalumu kwa wenyeviti wa vijiji na vitongoji, yanayofanyika wilayani humo kwa muda wa siku mbili. Mafunzo haya yanalenga kuwaongezea viongozi hao uelewa na uwezo, kujua majukumu yao ya utendaji na ya msingi kama wenyeviti wa vijiji na vitongoji ili kuongoza kwa ufanisi zaidi.

Mhe. Kasilda amewataka wenyeviti hao pia kuhakikisha usalama wa mipaka ya maeneo yao kwa kuzuia uhamiaji holela wa wananchi wanaoingia bila utaratibu kwa lengo la kuendeleza shughuli zao ilhali hawana maeneo rasmi. Amebainisha kuwa hali hiyo imekuwa chanzo cha migogoro ya ardhi, pamoja na mvutano baina ya wakulima na wafugaji katika baadhi ya maeneo.

"Ni wajibu wenu kuhakikisha kuwa mnatekeleza majukumu yenu kwa kufuata sheria, taratibu na miongozo. Miradi yote lazima iendeshwe kwa uwazi, mapato na matumizi yasomwe kwa wananchi, na kero zao zitatuliwe kwa wakati. Pia, tunapaswa kulinda mipaka yetu ili kuepusha migogoro inayoweza kuzuka kutokana na uhamiaji holela," amesisitiza Mhe. Kasilda.

Aidha, amewataka viongozi hao kufanya kazi kwa kushirikiana, kufuata ngazi za Uongozi katika malalamiko pamoja na kero, kuwa suluhisho la changamoto za wananchi, na kutoonyesha upendeleo katika utendaji wao.

Mmoja wa wakufunzi wa mafunzo hayo, Dkt. Muhsin Danga, ambaye pia ni Mhadhiri wa Chuo cha Serikali za Mitaa Hombolo, amesema mafunzo hayo yanajikita katika mada za uongozi na utawala bora, muundo na sheria za uendeshaji wa Serikali za Mitaa, usimamizi wa fedha na ardhi, pamoja na uibuaji na upangaji wa mipango endelevu.

Baadhi ya wenyeviti hao wameeleza kuwa kuna baadhi ya mambo yalikuwa yakiwatatiza kutokana na wengi wao kuwa wapya katika nagasi za uongozi, hivyo wameshukuru kwa mafunzo hayo na kuahidi kwenda kufanya kazi kulingana na maelekezo ya mafunzo hayo. 

Mafunzo haya yanawahusisha wenyeviti 100 wa vijiji na wenyeviti 503 wa vitongoji, na yanatarajiwa kuboresha utendaji wao katika kuwahudumia wananchi kwa uadilifu na uwajibikaji mkubwa. Mafunzo haya yameandaliwa kwa ushirikiano kati ya Chuo cha Serikali za Mitaa Hombolo na Ofisi ya Rais – Tawala za Mikoa na Serikali za Mitaa (TAMISEMI).

Karibu, Kipeo Online Media ni chombo cha habari cha mtandaoni chenye kuleta taarifa za kina na za kuaminika.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more