MKUU WA WILAYA YA SAME AWATAKA WASIMAMIZI WA MIRADI KUTOA USHIRIKIANO KWA MAAFISA WA SERIKALI.

MKUU WA WILAYA YA SAME AWATAKA WASIMAMIZI WA MIRADI KUTOA USHIRIKIANO KWA MAAFISA WA SERIKALI.

Same, Kilimanjaro. 

Mkuu wa Wilaya ya Same, Mhe. Kasilda Mgeni, amewataka wasimamizi wa miradi inayoendelea kujengwa ndani ya wilaya hiyo kushirikiana na maafisa wa serikali wanapofanya ziara za ukaguzi. Amesisitiza kuwa ziara hizo zina lengo la kuhakikisha miradi inatekelezwa kwa kuzingatia ubora, thamani ya fedha, na kasi inayotakiwa ili kuepusha ubadhilifu na ujenzi wa majengo yasiyo na viwango stahiki.

Mhe. Kasilda alitoa kauli hiyo alipokuwa akikagua ujenzi wa shule mpya ya sekondari ya Kata ya Hedaru, katika ziara hiyo aliambatana na kamati ya Ulinzi na Usalama ya Wilaya ya Same ambapo Alibainisha kuwa maafisa wa serikali na wajumbe wa Kamati ya Ulinzi ya Wilaya wanapokagua miradi, wanakuwa na nia njema ya kushauri na kuhakikisha kuwa miradi inatekelezwa kwa viwango vilivyokusudiwa.

Mkuu wa wilaya ya Same Mhe Kasilda Mgeni akijaza udongo kwenye ndoo kitendo kinachoonesha ushiriki katika ujenzi wa mradi wa shule hiyo.



"Katika miradi yote inayoendelea wilayani hapa, nawasihi wasimamizi wa miradi kutoa ushirikiano kwa maafisa wa serikali. Pale watakapoona changamoto, watawashauri ili kuhakikisha mradi unakuwa bora na unakidhi viwango vinavyotakiwa," alisema Mhe. Kasilda.

Aidha, alisisitiza umuhimu wa kutunza nyaraka za miradi ili viongozi wanapofanya ukaguzi waweze kuona uwiano kati ya fedha zilizotolewa na kazi inayoonekana. Pia alihimiza ukaguzi wa vifaa vinavyopokelewa ili kuhakikisha ubora wake katika utekelezaji wa miradi.

Kwa upande wake, Mkuu wa Taasisi ya Kuzuia na Kupambana na Rushwa (TAKUKURU) Wilaya ya Same, Bw. Daimon Mwakababu, aliwataka wasimamizi wa miradi, viongozi wa siasa, na serikali kutoingilia majukumu ya TAKUKURU. Alisisitiza kuwa taasisi hiyo haitasita kuchukua hatua kwa yeyote atakayekwamisha utekelezaji wa miradi au kujihusisha na vitendo vya ubadhilifu.

Katibu Tawala wa Wilaya ya Same Bi. Upendo Wela na Mkuu wa TAKUKURU wilaya ya Same Bw. Daimon Mwakababu wakishiriki shughuli za ujenzi wa Shule Mpya ya Sekondari ya Kata ya Hedaru. 



"Ili fedha za serikali zitumike ipasavyo, nawasihi watumishi wa umma wanaosimamia miradi pamoja na viongozi wa Chama cha Mapinduzi kutoingilia kazi za TAKUKURU. Tuacheni tufanye kazi kama alivyoagiza Mhe. Rais. Hatutasita kumchukulia hatua yeyote atakayejihusisha na uhalifu wa aina yoyote," alisema Bw. Mwakababu.

Awali, akisoma taarifa ya ujenzi wa mradi huo mbele ya Mkuu wa Wilaya, Mwalimu wa Shule ya Mkombozi, Upendo Nathaniel, alisema kuwa kukamilika kwa shule hiyo kutasaidia kupunguza msongamano wa wanafunzi katika Shule ya Sekondari Mkombozi na kupunguza umbali wanaotembea kufuata elimu.



Zaidi ya shilingi milioni 584 zinatumika katika ujenzi wa Shule Mpya ya Sekondari ya Kata ya Hedaru, ambapo hadi sasa zaidi ya shilingi milioni 248 zimeshatumika. Mradi huo unatarajiwa kukamilika ifikapo Machi 31, mwaka huu.



Karibu, Kipeo Online Media ni chombo cha habari cha mtandaoni chenye kuleta taarifa za kina na za kuaminika.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more