WAZIRI KOMBO ATOA WITO WA USHIRIKIANO WA KWELI KATI YA AFRIKA NA NCHI ZA NORDIC



Waziri wa Mambo ya Nje na Ushirikiano wa Afrika Mashariki wa Tanzania, Balozi Mahmoud Thabit Kombo, amezihimiza nchi za Afrika na Nordic kuhakikisha kuwa ushirikiano wao unazaa matokeo halisi kwa wananchi, akisisitiza kuwa mashirikiano hayo hayapaswi kubaki kwenye makaratasi tu bali yawe na athari inayopimika.

Akizungumza katika Mkutano wa 22 wa Mawaziri wa Mambo ya Nje wa Afrika na Nordic uliofanyika Victoria Falls, Balozi Kombo alisema mkutano huo ni jukwaa mahsusi la kuimarisha uhusiano wa kidiplomasia, kiuchumi, na kijamii huku ukihamasisha biashara, uwekezaji, teknolojia, na nishati safi.

“Ushirikiano huu haupaswi kubaki wa kinadharia. Ni lazima tuyageuze mazungumzo kuwa hatua za vitendo zitakazoboresha maisha ya watu wetu moja kwa moja,” alisema, huku akieleza utayari wa Tanzania kushirikiana na nchi za Nordic katika miradi ya kimkakati yenye matokeo ya haraka na yanayoonekana.

Balozi wa Tanzania nchini Zimbabwe, Kamishna wa Polisi Suzan Kaganda, aliwahimiza washiriki kutumia fursa ya mkutano huo kuendeleza diplomasia ya kiuchumi katika sekta mbalimbali kama vile biashara, uwekezaji, utalii, kilimo, elimu, na usalama

Naye Balozi wa Tanzania nchini Uswidi, Mobhare Matinyi, alibainisha fursa kubwa ya biashara na uwekezaji iliyopo Tanzania, akisema nchi hiyo ni lango muhimu kwa ushirikiano kati ya mataifa ya Nordic na Afrika.

Mkurugenzi Mkaimu wa Idara ya Ulaya na Amerika katika Wizara ya Mambo ya Nje, Bw. Seifu Kamtunda, alisema kwamba mijadala ya mkutano huo itajikita katika masuala muhimu ya kuimarisha mahusiano kati ya Afrika na nchi za Nordic.

Aidha, kongamano la kibiashara litawakutanisha wajasiriamali, wadau wa sekta binafsi, wavumbuzi vijana, na taasisi za elimu ya juu kwa lengo la kuchunguza fursa za ushirikiano.

Mkutano huo wa siku mbili, unaofanyika kuanzia Oktoba 2 hadi 3, 2025, umebeba kaulimbiu isemayo: “Ubunifu kwa Matokeo: Kutumia Teknolojia na Ushirikiano kwa Jamii za Baadaye Zilizo Tayari.”

Taaisisi za Tanzania kama TIC, ZIPA, TCCIA pamoja na idara mbalimbali ndani ya Wizara ya Mambo ya Nje zinashiriki kikamilifu ili kuonyesha vipaumbele vya taifa na kuimarisha ushirikiano wa kiuchumi na kidiplomasia na nchi za Nordic.






Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more