KAMATI YA BUNGE YARIDHISHWA NA UTEKELEZAJI WA MIRADI YA MAENDELEO KATIKA HIFADHI YA MAKUYUNI

KAMATI YA BUNGE YARIDHISHWA NA UTEKELEZAJI WA MIRADI YA MAENDELEO KATIKA HIFADHI YA MAKUYUNI

Na. Mwandishi Wetu. 

Arusha.

Kamati ya kudumu ya Bunge ya Ardhi, Maliasili na Utalii yaridhishwa na utekelezaji wa miradi ya maendeleo inayotekelezwa na Mamlaka ya Usimamizi wa Wanyamapori Tanzania (TAWA), katika Hifadhi ya Wanyamapori Makuyuni almaarufu kama "Makuyuni Wildlife Park" iliyopo Wilaya ya Monduli, Mkoani Arusha.

Akizungumza baada ya kutembelea hifadhi hiyo, tarehe 13 Machi, 2025, Mwenyekiti wa Kamati ya Kudumu ya Bunge ya Ardhi, Maliasili na Utalii, Mhe. Timotheo Mnzava (Mb) alisema Kamati imeridhishwa na utekelezaji wa miradi hiyo ambayo ni ujenzi wa barabara yenye urefu wa kilometa 30 iliyogharimu shillingi milioni 256 pamoja na bwawa lenye uwezo wa kubeba maji lita milioni 52 lililogharimu shilingi milioni 125.

"Kwanza tuipongeze Serikali kwa hatua ya kuchukua eneo hili muhimu na kuwakabidhi TAWA, pia niwapongeze TAWA kwa ukarabati na ufunguaji wa barabara wa hifadhi hii pamoja na ile ya ujenzi wa bwawa, kama Kamati tumeiona kazi TAWA mliyoifanya katika eneo hili ni kazi nzuri, tunawapongezeni sana na tumeridhika na kazi hii", alisema Mhe. Mnzava.

Aidha, Mhe. Mnzava alisema kuwa ujenzi wa miundombinu ya kitalii iendelee kufanyika katika maeneo mengine ya hifadhi ili kuhakikisha kuwa watalii wanapokuja katika hifadhi zetu hawapati changamoto zozote.

Kwa upande wake, Waziri wa Wizara ya Maliasili na Utalii, Mhe. Balozi, Dkt. Pindi Chana (Mb), alisema kuwa ujenzi huu wa barabara umetumia gharama nafuu kwa kuzingatia kuwa mitambo iliyotumika kwenye ujenzi wa miundombinu hii ilinunuliwa na Serikali kupitia Mpango wa Ustawi wa Jamii na Mapambano dhidi ya UVIKO 19.

Kadhalika, Mhe. Chana aliwahakikishia Kamati ya Kudumu ya Bunge ya Ardhi, Maliasili na Utalii kuwa ushauri na maelekezo yote waliyoyatoa kwa Wizara kwa kupitia TAWA yatatekelezwa kikamilifu.

Naye, Mwenyekiti wa Bodi ya Wakurugenzi ya TAWA, Mej.Jen (Mstaafu) Hamis Semfuko, aliishukuru Kamati kwa kufanya ziara katika Hifadhi ya Makuyuni na alisema kuwa Menejimenti yake imepanga kuifanya Hifadhi ya Makuyuni kuwa kitovu cha utalii katika jiji la Arusha, hususani kwa watalii wa ndani. 

Sambamba na hilo, Semfuko aliongeza kuwa TAWA itaendelea kuongeza ubunifu kwenye utendaji kazi wake kama ambavyo imefanya kwenye mapinduzi ya ugawaji wa vitalu vya uwindaji wa kitalii kwa njia ya mnada wa kielektroniki.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more