WITO WATOLEWA KUWACHUKULIA HATUA ZA KIUTUMISHI MAAFISA UTUMISHI WAZEMBE WANAOWAKOSESHA HAKI ZA MSINGI WALIMU.

WITO WATOLEWA KUWACHUKULIA HATUA ZA KIUTUMISHI MAAFISA UTUMISHI WAZEMBE WANAOWAKOSESHA HAKI ZA MSINGI WALIMU.

Na Christina Thomas

Same, Kilimanjaro. 

Imeelezwa kuwa Watumishi wa kada ya Ualimu  wakabiliwa na changamoto mbalimbali ikiwemo kucheleweshwa kupandishwa madaraja, kubadilishwa kwa miundo baada ya kujiendeleza, malimbikizo ya mishahara, madai ya muda mrefu ya stahiki za uhamisho, taarifa chafu kwenye mfumo pamoja na madai ya kustaafu ambapo baadhi ya changamoto hizo zimetajwa kusababishwa na baadhi ya maafisa utumishi wazembe wanaowakosesha haki za msingi watumishi wa Umma wakiwemo walimu.

Kutokana na hilo, Mkuu wa Wilaya ya Same, Mhe. Kasilda Mgeni, amesisitiza kuwa ni vyema mamlaka husika kuwachukulia hatua baadhi ya maafisa Utumishi ambao watabainika kufanya uzembe kwa makusudi kuwakosesha haki za msingi watumishi wa Umma wakiwemo walimu ili iwe fundisho kwa wengine wenye tabia kama hizo.

Akizungumza katika kliniki ya kutatua changamoto za walimu (Samia Teacher's Mobile Clinic) iliyowakutanisha walimu kutoka wilaya ya Mwanga na Same, katika ukumbi wa ofisi ya Mkurugenzi wa Halmashauri ya Wilaya ya Same, Mhe. Kasilda Mgeni ameeleza kuwa changamoto nyingi wanazokutana nazo walimu zinaathiri utendaji wao wa kazi, hivyo kupunguza ubunifu na ufanisi.

"Walimu wanapokumbwa na changamoto nyingi, utendaji wao lazima ushuke hakutakuwa na ubunifu, na hali hii inaathiri ubora wa elimu. Changamoto hizi zinatokana na baadhi ya maafisa utumishi wazembe, wanaowakosesha haki za msingi watumishi wa Umma kwakiwemo walimu kwa makusudi. Nakuomba sana, Mkurugenzi wa Utumishi, maafisa hawa wachukuliwe hatua za kisheria ili iwe fundisho kwa wengine," amesema Mhe. Kasilda.

Aidha, ameishukuru Serikali ya Awamu ya Sita inayoongozwa na Rais Dkt. Samia Suluhu Hassan kwa kuwa na timu inayojumuisha wataalam kutoka Ofisi ya Rais, Menejimenti ya Utumishi wa Umma na Utawala Bora pamoja na Ofisi ya Rais, Tawala za Mikoa na Serikali za Mitaa (TAMISEMI) wakishirikiana na Chama cha Walimu Tanzania (CWT), ili kupita mikoa mbalimbali nchini kusikiliza na kutatua changamoto za walimu ambapo amepongeza njia hii akisema kuwa ni bora na salama zaidi, kwani inarahisisha namna ya uwasilishaji na utatuzi wa changamoto zinazowakabili walimu kwa ufanisi mkubwa.

Kwa upande wake makamu wa Rais wa Chama cha Walimu Tanzania (CWT) Suleiman Ikomba amesema kuwa wapo watu waliokuwa hawana nia njema na walimu, waliofikiri kutumia njia ya 'kupiga kelele' kudai madai yao kwa kupita barabarani njia ambayo inahatarisha utatuzi wa changamoto zao.

"Kuna watu wangefikiri tudai madai yetu kwa kupiga kelele na kupita barabarani, hapana, kumbe kuna serikali sikivu na tumeipata, tumeongea nayo na imetuelewa leo tupo hapa na uzuri huu umekuja katika njia ambayo bado tumebaki vizuri na tunaona matatizo yetu yanaenda kutatuliwa" amesema Mwalimu. Ikomba.

Kliniki hiyo inaratibiwa na chama cha walimu Tanzania kwa kushirikiana na Ofisi ya Rais Utumishi, Ofisi ya Rais, Tawala za Mikoa na Serikali za Mitaa, Wizara ya Elimu, Sayansi na Teknolojia,  Wizara ya Fedha pamoja na tume ya Utumishi ya Walimu.

Mwisho.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more