WANANCHI KILIMANJARO WAISHUKURU SERIKALI KUPELEKA MADAKTARI BINGWA WA MACHO.

 

WALIOSUMBULIWA NA MACHO KILIMANJARO WAISHUKURU SERIKALI KUPELEKA MADAKTARI BINGWA WA MACHO.

Na Mwandishi Wetu.

 Same, Kilimanjaro.

Wananchi waliokuwa wakikabiliwa na matatizo ya kuona mkoani Kilimanjaro wameishukuru Serikali kwa kuwaletea madaktari bingwa wa macho kutoka nchini Marekani na kuwafanyia uchunguzi wa magonjwa hayo na ushauri wa kitaalam, tiba kwa upasuaji wa mtoto wa jicho na kuweza kuona upya.

Madaktari hao ambao wamepiga kambi ya wiki mbili katika hospitali ya Wilaya ya Same ambapo watu zaidi ya elfu mbili (2000) wamefanyiwa uchunguzi huku wagonjwa zaidi ya tisini (90) wamefanyiwa upasuaji wa mtoto wa jicho.

Wakizungumza kwa nyakati tofauti hospitalini hapo mmoja kati ya wagonjwa waliofanyiwa upasuaji wa mtoto wa jicho Bw. Idd Mlaki, Mkazi wa Kileo wilayani Mwanga alieleza kuwa kwa muda wa miezi sita alikuwa haoni tatizo ambalo lilianza ghafla ambapo kwa sasa mara baada ya kupata huduma hiyo hali yake ya kuona imerejea tena.


“Macho yangu yalikufa ghafla nikawa sioni mbele wala nyuma, na ikawa mtu anaponisemesha nilikuwa nakasirika maana sioni na nimehangaika hospitali mbalimbali  bila mafanikio lakini leo nimekuja hapa Same na kukutana na wataalam wakanichuna macho yangu mpaka nikaona tena” alisema Bw. Mlaki.

Mlaki alimshukuru Rais Dkt. Samia Suluhu Hassan kwa kuendelea kuonyesha upendo mkubwa kwa Watanzania na kuendelea kumwomba aendelee kuwasaidia watu wenye uhitaji wa msaada mbalimbali.

Naye Mwanaidi Mdoe mkazi wa Kisiwani wilayani Samwe, alisema kuwa, yeye alikuwa na tatizo la kutokuona jicho moja kwa kipindi cha miaka mitatu ambapo hakupata ufumbuzi lakini kuja kwa wataalam hao imekuwa neema kwake ambapo kwa sasa ameweza kuona tena.

Akizungumzia kuhusu huduma hiyo Mratibu wa macho ambaye ni Kaimu Mganga Mkuu wa wilaya ya Same, Theodora Mwacha alisema kuwa, huduma hiyo ya macho inatolewa na madaktari kutoka Marekani ambapo wanafanya huduma za uchunguzi wa macho na kutoa dawa kwa wagonjwa wenye uhitaji pamoja na miwani.

Theodora alisema kuwa, huduma kubwa wanayoitoa ni huduma ya upasuaji wa mtoto wa jicho ambapo imekuwa faraja kubwa kwa wazee ambao wao ndio wameonekana kukumbwa kwa kiasi kikubwa na tatizo hilo.


“Huduma hii inatolewa bure na wananchi kutoka maeneo mbalimbali ya mkoa wa Kilimanjaro wamefika kuhudumia ambapo zoezi hili linatarajiwa kukamilika Machi 15 mwaka huu na mpaka sasa tumeshawahudumia wagonjwa zaidi ya 2000 huku wagonjwa zaidi ya 90 wamefanyiwa upasuaji wa mtoto wa jicho” alisema Theodora.

 

Mwisho..

Karibu, Kipeo Online Media ni chombo cha habari cha mtandaoni chenye kuleta taarifa za kina na za kuaminika.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more