WATAKAOBAINIKA KUHUSIKA KUCHOMA MOTO BWENI LA WANAFUNZI SHULE YA SEKONDARI MAKANYA KUCHUKULIWA HATUA.

WATAKAOBAINIKA KUHUSIKA KUCHOMA MOTO BWENI LA WANAFUNZI SHULE YA SEKONDARI MAKANYA KUCHUKULIWA HATUA. 

Na Christina Thomas. 

Same, Kilimanjaro. 

Mkuu wa Wilaya ya Same, Mhe. Kasilda Mgeni, amesema kuwa serikali haitasita kuchukua hatua kali za kinidhamu, ikiwemo kuwafukuza shule wale wote watakaobainika kuhusika na tukio la moto lililoteketeza jengo la bweni la wanafunzi wa kike katika Shule ya Sekondari Makanya. Moto huo ulisababisha uharibifu mkubwa wa miundombinu, kuteketeza vifaa vya wanafunzi kama magodoro, nguo, madaftari na mali nyinginezo.

Akizungumza wakati wa kupokea msaada wa vifaa mbalimbali kutoka kwa wadau wa maendeleo wilayani Same, Mhe. Kasilda Mgeni alieleza kuwa uchunguzi wa tukio hilo uko katika hatua za mwisho na kuahidi kuwa wahusika wote watachukuliwa hatua kwa mujibu wa sheria.

"Hili jambo lilinisikitisha sana. Yeyote atakayebainika, iwe ni mwalimu au mwanafunzi, atachukuliwa hatua za kinidhamu, ikiwa ni pamoja na kufukuzwa shule. Tukio hili ni baya sana na linakwamisha jitihada za Rais wa Jamhuri ya Muungano wa Tanzania, Mhe. Dkt. Samia Suluhu Hassan, katika kuboresha elimu nchini," alisema Mhe. Kasilda Mgeni.

Pia, mkuu wa Wilaya amewashukuru wadau wote waliotoa michango yao ya hali na mali kwa ajili ya wahanga wa tukio hilo wakiwemo Mwembe Logistics, Benki ya NMB, Madhehebu ya Dini pamoja na wadau wengine ambapo michango hiyo inajumuisha magodoro, matranka, vyandarua, fedha zaidi ya milioni nne, madawati, pamoja na vifaa vingine muhimu kwa matumizi ya wanafunzi waliopata hasara kutokana na janga hilo.

Kwa upande wake, Mwenyekiti wa Chama cha Mapinduzi (CCM) Wilaya ya Same, Ndg. Abdallah Mnyambo, aliwataka walimu na wanafunzi kuhakikisha wanalinda miundombinu ya shule, akibainisha kuwa serikali imewekeza fedha nyingi kuboresha sekta ya elimu, hivyo ni jukumu la kila mmoja kuwa mlinzi wa mali hizo za umma.

Akizungumza kwa niaba ya wadau waliotoa msaada huo, Afisa Masoko na Uhusiano wa Kampuni ya Mwembe Logistics, Bi. Janeth Mtui, alisema kuwa msaada huo ni sehemu ya kuwatia faraja wanafunzi hao kutokana na madhara waliyoyapata. Alisisitiza kuwa kampuni yao imekuwa mstari wa mbele kusaidia jamii katika majanga mbalimbali.

Aidha, Afisa Elimu wa Halmashauri ya Wilaya ya Same, Mwalimu Neema Lemunge, alieleza athari zilizobainika kutokana na moto huo, akisema kuwa wanafunzi 14 walipata mshtuko na kupatiwa huduma za matibabu, ambapo hali zao kwa sasa zimeimarika. Pia, alieleza kuwa magodoro 22, nguo, madaftari, vitabu, na matranka viliteketea kwa moto, huku thamani ya hasara hiyo ikikadiriwa kuwa zaidi ya milioni tano.

Mmoja wa wanafunzi waliothirika na tukio hilo aliishukuru serikali pamoja na wadau kwa msaada waliotoa, huku akiahidi kuwa wanafunzi watahakikisha wanatunza miundombinu ya shule ili kuepuka majanga kama hayo siku zijazo.

Jengo la bweni hilo liliungua moto mnamo Februari 14, majira ya saa 12:40 asubuhi, wakati wanafunzi walipokuwa wakifanya shughuli za usafi shuleni hapo. Moto huo ulisababisha uharibifu mkubwa, ikiwemo kuteketea kwa magodoro 22, nguo, na vifaa vingine vya wanafunzi pamoja na vya msimamizi wao (Matron).


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more