RAIS SAMIA AZINDUA MRADI WA MAJI WA SAME-MWANGA-KOROGWE.

RAIS SAMIA AZINDUA MRADI WA MAJI WA SAME-MWANGA-KOROGWE.


Mwanga, Machi 9, 2025
Na Musa Mathias. 

Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, leo amezindua rasmi Mradi wa Maji wa Same-Mwanga-Korogwe katika hafla iliyofanyika wilayani Mwanga, mkoani Kilimanjaro. Mradi huu mkubwa, ambao umekuwa ukisuasua kwa takriban miaka 20, sasa umekamilika na utawezesha upatikanaji wa maji safi na salama kwa wakazi wa wilaya za Same, Mwanga, na Korogwe.

Katika hotuba yake, Rais Samia mara baada ya kuzindua mradi wa maji Same-Mwanga-Korogwe, akiwa katika mkutano wa hadhara na wananchi wa mkoa wa Kilimanjaro alielezea changamoto zilizokumba utekelezaji wa mradi huu, ikiwemo kusukumana, kusutana, na hata kushitakiana na makandarasi. 

“Leo tunashuhudia matunda ya uvumilivu na juhudi za pamoja. Mradi huu ulianza kwa ahadi tangu enzi za watanyulizibwangu, lakini sasa, miaka kadhaa baadaye, tumeweza kuutekeleza na wananchi wameanza kunufaika,” alisema Rais Samia.

Rais Samia aliipongeza Wizara ya Maji kwa kazi kubwa wanayoifanya katika kuhakikisha miradi ya maji inatekelezwa ipasavyo. Mabadiliko haya ni ushahidi wa juhudi na dhamira ya dhati ya serikali yetu katika kuhakikisha wananchi wanapata huduma bora za maji.

Kwa upande wake, Waziri wa Maji, Mheshimiwa Jumaa Aweso, alisema kuwa kukamilika kwa mradi huu ni ishara ya jinsi serikali ya Awamu ya Sita inavyotekeleza miradi kwa vitendo.

“Tuliahidi kuondoa kero ya maji kwa wananchi wa Same, Mwanga, na Korogwe, na leo tunaona ahadi ikitimia. Hatutarudi nyuma katika dhamira yetu ya kuhakikisha kila Mtanzania anapata maji safi na salama,” alisema Waziri Aweso.
Mkuu wa Mkoa wa Kilimanjaro, Mheshimiwa Nurdin Babu, aliishukuru serikali kwa dhamira yake ya dhati katika kutatua changamoto za maji katika mkoa huo. “Kwa miaka mingi wananchi wa Kilimanjaro wamekuwa wakihangaika kupata maji, lakini sasa historia inabadilika,” alisema Mkuu wa Mkoa.

Mradi huu unachukua maji kutoka Bwawa la Nyumba ya Mungu na utahudumia zaidi ya wakazi katika wilaya za Same, Mwanga, na Korogwe. Awamu ya kwanza ya mradi huu imekamilika kwa gharama ya Shilingi bilioni 406.07, ikiwa ni moja ya miradi mikubwa ya maji kuwahi kutekelezwa nchini Tanzania.





Mbali na kuleta faraja kwa wananchi, mradi huu unatarajiwa kuimarisha shughuli za kilimo na ufugaji katika maeneo hayo kwa kuwa upatikanaji wa maji ni nyenzo muhimu katika maendeleo ya sekta hizo. Aidha, unatarajiwa kupunguza magonjwa yanayotokana na matumizi ya maji yasiyo salama.

Serikali imeahidi kuendelea kusimamia miradi mingine ya maji nchini ili kuhakikisha vijiji vyote vinapata huduma ya maji pia Rais Samia amewasisitiza wananchi wanaunganisha huduma ya maji pamoja na kulipa bili za maji kulingana na matumizi yao.

Uzinduzi wa Mradi wa Maji wa Same-Mwanga-Korogwe ni ishara nyingine ya jinsi serikali ya Awamu ya Sita inavyotekeleza miradi mikubwa kwa lengo la kuboresha maisha ya Watanzania na kuhakikisha upatikanaji wa maji unakuwa wa uhakika kwa wote.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more