ANNE KILANGO AZINDUA KAMPENI SAME MASHARIKI KWA KISHINDO

ANNE KILANGO AZINDUA KAMPENI SAME MASHARIKI KWA KISHINDO.

Na Musa Mathias,
Same, Kilimanjaro.

Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho.

Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali.

Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo. 

Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inajengwa kwa kiwango cha lami.

Alibainisha kuwa tayari mkataba wa awamu ya kwanza kutoka Mkomazi hadi Ndungu umeshasainiwa, na ujenzi wa kilomita 36 unaendelea kwa ufadhili wa zaidi ya shilingi bilioni 59 zilizotolewa na Serikali ya awamu ya sita chini ya Rais Dkt. Samia Suluhu Hassan.

“Endapo nitarejea Bungeni, jambo la kwanza nitakaloanza nalo ni kushinikiza Mkandarasi aliyepo arudi kazini kukamilisha kipande cha kilomita 5, na kuendelea na awamu ya pili kutoka Maore hadi Same, yenye zaidi ya kilomita 56. Huu ni mradi mgumu unaohitaji mbunge mwenye sauti imara na uzoefu,” alisema Kilango huku akishangiliwa na umati.

Mbunge huyo pia aliitaja sekta ya kilimo kama mhimili wa maendeleo wa jimbo hilo, akisisitiza kuwa asilimia 72 ya tangawizi inayotumika nchini huzalishwa Same Mashariki, hivyo barabara hiyo itakuwa kiunganishi muhimu katika kukuza uchumi wa wakulima na wananchi kwa ujumla.

Akigusia maendeleo yaliyopatikana chini ya uongozi wa Rais Samia, Kilango alisema:

“Wakati Rais Samia anaingia madarakani, jimbo letu lilikuwa na kituo cha afya kimoja pekee. Lakini ndani ya miaka minne ametujengea vituo vya afya vinne vipya, kuboresha kituo cha Ndungu na pia kufanikisha ujenzi wa shule mpya za msingi na sekondari. Haya ni mafanikio makubwa tunayopaswa kuyathamini.”

Viongozi wa CCM waliwahimiza wananchi wa Same kushiriki kikamilifu katika uchaguzi mkuu wa Oktoba mwaka huu, huku wakitoa wito wa kudumisha amani, mshikamano na mshikikiano bila kujali tofauti za kisiasa.

Kwa mujibu wa ratiba ya NEC, wananchi wa Same Mashariki pamoja na Watanzania wote kwa ujumla, wanatarajiwa kupiga kura mwezi Oktoba mwaka huu ili kuwachagua rais, wabunge na madiwani watakaowaongoza kwa kipindi cha miaka mitano ijayo.












Imeandikwa na Musa Mathias. 

Mwisho.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more