MAJIKO BANIFU KUPUNGUZA MATUMIZI YA MKAA NA KUNI MBEYA


📌 *Majiko banifu 9,330 kusambazwa na kuuzwa kwa bei ya ruzuku mkoani Mbeya* 

📌 *Wilaya Sita kunufaika na mradi* 

📌 *Kila Wilaya kupata majiko 1,555* 

📍 *MBEYA* 

Serikali ya Mkoa wa Mbeya kupitia Katibu Tawala wa Mkoa Ndugu, Rodrick Mpogolo leo Jumanne Septemba 2, 2025 imepokea mradi wa usambazaji na uuzaji wa majiko banifu 9,330 yenye ufanisi mkubwa katika utumiaji wake.

Akizungumza wakati wa uwasilishaji wa taarifa ya mradi Mhandisi wa miradi kutoka wakala wa nishaji vijijini (REA), Raya Majallah amesema,

Kupitia utafiti uliofanyika 2016 unakadiria kuwa takribani watu 33,024 hufariki kabla ya wakati kila mwaka hii ni sawa na asilimia 8.49 ya vifo vyote nchini Tanzania, kutokana na magonjwa ambayo yanachangiwa na uchafuzi wa hewa ndani ya nyumba wakati wa upikaji kwa kutumia nishati isiyo safi na salama.


Hivyo kwa kutambua hilo, Serikali kupitia Wakala wa Nishati Vijijini imeaanda mpango wa uuzaji na usambazaji majiko banifu 200,000 kwa bei ya ruzuku ili kupunguza athari za kiafya na mazingira zinazotokana na matumizi ya nishati isiyo salama na pia kufikia lengo la serikali mpaka ifikapo 2034 zaidi ya asilimia themanini 80% ya watanzania wawe wanatumia nishati safi ya kupikia.

Katika kufanikisha hilo, Wakala wa Nishati Vijijini unatarajia kusambaza na kuuza majiko 9,330 mkoa wa Mbeya katika wilaya sita za Busokelo, Chunya, Kyela, Mbarali, Rungwe na Mbeya Vijijini ambapo kila wilaya itapata majiko 1,555.

Mhandisi Raya ameendelea kwa kusema, mikataba ya mradi ilisainiwa tarehe 09 Mei, 2025 kati ya REA na mtoa huduma Kampuni ya Envotec Services Limited na itatekelezwa ndani ya miezi 15.

Mradi unatarajia kugharimu zaidi ya TZS Milioni 471.9 kwa mkoa wa Mbeya pekee, ambapo serikali itatoa ruzuku ya asilimia 85 sawa na zaidi ya TZS Milioni 401.1 hivyo badala ya jiko kuuzwa kwa bei ya awali ya TZS 50,580 litauzwa  kwa bei ya TZS 42, 993 na mwananchi atachangia 7,587 tu.

Kwa upande wake katibu Tawala wa Mkoa wa Mbeya Ndugu  Rodrick Mpogolo amesema, usambazaji na uuzaji wa majiko banifu kwa bei ya ruzuku ni sehemu ya Jitihada za serkali katika kuhamasisha na kuwawezesha wananchi kutumia nishati safi na salama za kupikia ili kuboresha Afya za wananchi na utunzaji wa mazingia hususan katika kukabiliana na ukataji wa miti ovyo.


Mwisho.


 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more