DC KASILDA APONGEZA UJENZI WA SOVAVI SEKONDARI: “NI UWEKEZAJI KWA TAIFA”



Na Ashrack Miraji

Ujenzi wa Shule mpya ya Sekondari Sovavi iliyopo Kata ya Hedaru, wilayani Same, umefikia asilimia 85 na unatarajiwa kukamilika ifikapo Septemba 30, 2025. Mradi huo unatajwa kuwa suluhisho muhimu kwa changamoto zinazowakabili wanafunzi wa eneo hilo, ikiwemo kutembea umbali mrefu kwenda shule na msongamano mkubwa katika Shule ya Sekondari Mkombozi.

Hayo yamebainika wakati wa ziara ya Mkuu wa Wilaya ya Same, Mhe. Kasilda Mgeni, aliyeongozana na Kamati ya Usalama ya Wilaya kukagua maendeleo ya ujenzi huo. Mhe. Kasilda amepongeza hatua iliyofikiwa na kutoa wito kwa mafundi pamoja na Kamati ya Ujenzi kuhakikisha mradi unakamilika kwa wakati na kwa ubora unaotakiwa.

“Ujenzi wa shule hii ni kielelezo cha jitihada za serikali katika kuwekeza kwenye sekta ya elimu, jambo linaloendana na azma ya kitaifa ya kuinua viwango vya ufaulu na kukuza rasilimali watu wa taifa. Tutaendelea kuimarisha miundombinu ya elimu ili wanafunzi waweze kunufaika kwa ubora,” alisema Mhe. Kasilda.


Aidha, Mkuu huyo wa Wilaya amesisitiza umuhimu wa kutunza nyaraka zote za ujenzi, kuzingatia viwango vilivyowekwa na kuhakikisha kila hatua inatekelezwa kwa umakini mkubwa. Amesema ameridhishwa na kazi iliyofanyika hadi sasa, huku akieleza matumaini kuwa mradi utakamilika kwa ubora unaotarajiwa.

Kwa upande wake, Mwl. Bakari Nyambwiro, Mkuu wa Shule ya Sekondari Mkombozi, amesema kukamilika kwa Sovavi Sekondari kutasaidia kupunguza msongamano wa wanafunzi katika shule yao pamoja na kupunguza umbali wa kutembea kwa wanafunzi kutoka maeneo ya jirani.

 “Shule hii mpya itaimarisha mazingira ya kujifunza na kufundisha, hivyo kusaidia kuinua kiwango cha ufaulu kwa wanafunzi wetu,” alieleza Mwl. Nyambwiro.


Kwa mujibu wa takwimu za mradi, serikali kupitia mpango wa uboreshaji wa miundombinu ya elimu imetoa zaidi ya shilingi milioni 584 kwa ajili ya ujenzi wa shule hiyo. Hadi sasa, zaidi ya milioni 565 zimeshatumika, na kiasi kilichobaki cha takribani milioni 19 kimetengwa kwa ajili ya kumalizia kazi zilizosalia.

Mhe. Kasilda Mgeni pia ameishukuru Serikali ya Awamu ya Sita inayoongozwa na Rais Dkt. Samia Suluhu Hassan kwa kuendelea kutekeleza kwa vitendo dhamira ya kuhakikisha elimu bora inapatikana kwa kila mtoto nchini kupitia uboreshaji wa miundombinu na huduma za msingi mashuleni.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more