KAMISHNA BADRU AFUNGUA MAFUNZO YA MFUMO MPYA WA MAKAZI ONLINE PORTAL*



📍Arusha | Tarehe 4 Oktoba, 2025.

Kamishna wa Uhifadhi wa Mamlaka ya hifadhi ya eneo la Ngorongoro  Bw Abdul-Razak Badru amefungua mafunzo kwa wadau wa uwekezaji katika sekta ya utalii kuhusu  mfumo mpya wa kidijitali wa Makazi Online Portal (MoPO) kwa lengo la kuongeza uwazi na usawa katika upangaji wa makambi ya kulala wageni (Campsites) hususan eneo la Ndutu Ngorongoro

Akifungua mafunzo hayo Kamishna Badru ameeleza kuwa hatua ya kubuni mfumo mpya wa Makazi Online Portal  inalenga kuboresha huduma kwa wateja katika sekta ya uhifadhi na utalii kwa kujikita kwenye matumizi ya  teknolojia kwa huduma ambazo wadau hao wanazihitaji katika eneo la hifadhi ya Ngorongoro.

“Mfumo tulioubuni kwa dunia ya sasa ni muhimu katika kuboresha huduma kwa misingi ya  uwazi, haki na ufanisi, tunaamini kila mdau atapata huduma nzuri na kwa wakati bila upendeleo,” alisema Kamishna Badru.

Wakati wa mafunzo hayo Wataalam wa TEHAMA na Uwekezaji walitoa semina kwa washiriki kuhusu matumizi ya mfumo wa Makazi Online Portal ikihusisha  namna ya kuomba nafasi za makambi, kufuatilia maombi, na kupata taarifa ya maombi yao kwa wakati.

Mfumo wa Makazi Online Portal uliohudhuriwa na wadau wa uwekezaji katika sekta ya utalii  zaidi ya 150 unatarajiwa kuwa suluhisho la muda mrefu katika kuomba kuwekeza makambi ya kulala wageni eneo la Ndutu  tofauti na mfumo wa zamani wa kutuma barua ya maombi kwa kamishna wa Uhifadhi hali inayoongeza uwazi wa kufuatilia maombi na ufanisi katika upangaji wa kambi hizo.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more