MANISPAA YA KIBAHA IMETOA TSH MILIONI 420 KUTATUA CHANGAMOTO YA BARABARA ZA MITAA



KIBAHA: Halmashauri ya Manispaa ya Kibaha imetoa jumla ya Shilingi Milioni 420 kupitia mapato ya ndani kwa ajili ya kutengeneza na kufungua barabara za mitaa katika kata zote za manispaa hiyo, ikiwa ni hatua ya kutatua changamoto ya ya miundombinu ya barabara.

Mkurugenzi wa Manispaa ya Kibaha, Dkt. Rogers Shemwelekwa, amesema Tayari kata zote Manispaa ya Kibaha zimepokea mgao wa Shilingi Milioni 30 Kwa ajili ya kutekeleza miradi ya uboreshaji wa barabara ili kurahisisha huduma mbalimbali kwa wananchi.

“Kupitia mapato yetu ya ndani, tumeamua kuwekeza katika barabara za mitaa kwa kuwa ni muhimu kwa maisha ya kila siku ya wananchi. Kila kata sasa ina Shilingi Milioni 30 kwa ajili ya miradi hii na tutaendelea kusimamia utekelezaji wake kwa karibu,” amesema Dkt. Shemwelekwa.


Katika Kata ya Sofu, wananchi wameipokea kwa furaha hatua hiyo na wamepongeza uongozi wa Manispaa kwa kutoa fedha hizo kwa ajili ya kutatua kero ya barabara.

Akizungumza kwa niaba ya wananchi, Mwenyekiti wa Mtaa wa Twendepamoja Mhe Idd Alfan amesema, “Wananchi wamehamasika sana kuona kodi wanazotoa zinatumika moja kwa moja kuboresha maisha yao. Mradi huu umewapa motisha zaidi ya kulipa kodi kwa hiari kwa sababu wanaona matokeo yake.”

Mwananchi wa Kata hiyo, Bi. Deborah Mkoma, amesema barabara zinazotengenezwa ni muhimu sana kwa kuwa zinapitika kuelekea hospitalini na maeneo mengine ya huduma muhimu.

“Kuna sehemu magari yalikuwa hayawezi kufika kabisa kutokana na ubovu wa barabara, lakini sasa hata bodaboda wanafika bila shida na kwa bei nafuu. Tunampongeza sana Mkurugenzi kwa juhudi zake,” alisema Bi. Mkoma.

Wananchi wa Manispaa ya Kibaha kwa ujumla wameonyesha matumaini makubwa kuwa mradi huu utaleta mabadiliko makubwa katika maisha yao ya kila siku na wameahidi kuendelea kushirikiana na Halmashauri kuhakikisha miradi hiyo inatekelezwa kwa ufanisi.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more