KIONGOZI WA MBIO ZA MWENGE AIPONGEZA TARURA UJENZI KARAVATI BARABARA YA MPAKANI



Tunduma-Momba

Kiongozi wa Mbio za Mwenge Kitaifa, Ismail Ally Ussi, ameipongeza TARURA kwa usimamizi mzuri wa ujenzi wa boksi karavati katika barabara ya Mpakani–Manga iliyopo Tunduma mkoani Songwe.

Ussi amesema hayo baada ya kukagua mradi huo na kuridhishwa na asilimia ya ujenzi iliyofikiwa, huku akibainisha kuwa miradi yote inayosimamiwa na TARURA ipo katika kiwango kizuri.

Kutokana na mahitaji makubwa ya vivuko kwa wananchi wa mji wa Tunduma, hususan Kata ya Chapwa na Mwakakati, serikali ilitenga fedha kutekeleza mradi huo.

Mwaka wa fedha 2023/24, Halmashauri kupitia Wakala wa Barabara za Vijijini na Mijini (TARURA) kwa ufadhili wa Benki ya Dunia, ilianza kutekeleza ujenzi wa boksi karavati mbili katika mitaa ya Mererani na Isanzo, barabara ya Mpakani hadi Manga.

Mradi huu unatekelezwa na Mkandarasi M/S Mante Company kwa gharama ya Shilingi 340,018,769.43 pamoja na ongezeko la Kodi ya Thamani ya Ongezeko (VAT inclusive).

Hadi sasa kazi zilizofanyika ni kuchimba msingi wa daraja, kusuka nondo, kumwaga zege na kujenga kuta za daraja, pamoja na kumalizia zege la juu la daraja (superstructure).


Meneja wa TARURA Wilaya ya Momba, Mhandisi Yusuph Shaban, amesema manufaa ya mradi huo ni kufungua mawasiliano kati ya Kata ya Chapwa na Mwakakati.

Ameongeza kuwa utarahisisha shughuli za usafiri na usafirishaji wa bidhaa na biashara kwa kipindi chote cha msimu, kuongeza kipato kwa wakazi wa mji wa Tunduma na kuchochea ukuaji wa uchumi kwa ujumla.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more