DKT. MWIGULU; SERIKALI INATAMBUA NA KUTHAMINI MCHANGO WA SEKTA BINAFSI KATIKA KUENDELEZA UTALII NA UHIFADHI NCHINI




Mikumi - MOROGORO

Waziri Mkuu wa Jamhuri ya Muungano  wa Tanzania Mheshimiwa Dkt. Mwigulu Lameck Nchemba (Mb) amesema Serikali inatambua na kuthamini mchango wa Sekta Binafsi katika kuendeleza utalii na uhifadhi nchini. 

Waziri Mkuu Dkt. Mwigulu amesema hayo leo wakati wa uzinduzi wa Loji ya Mikumi Wildlife iliyopo ndani ya Hifadhi ya Taifa ya Mikumi Mkoani Morogoro. 

Ameongeza kuwa uzinduzi wa loji hiyo utaongeza mvuto wa Hifadhi ya Mikumi na kuchochea ongezeko la watalii wa ndani na nje ya nchi kutembelea hifadhi hiyo pamoja na vivutio vya utalii vilivyopo katika Ukanda wa Kusini.

"Ujenzi wa hoteli hii ni wa  viwango vya juu sana hongereni sana" Amesema Mhe. Dkt. Mwigulu

Aidha, ameahidi Serikali kuendelea kuboresha miundombinu mbalimbali ikiwemo viwanja vya ndege na barabara ili kuimarisha sekta hiyo. Amesema Serikali imeweka zaidi ya shilingi bilioni 35 kwa ajili ya kuboresha Hifadhi ya Taifa ya Mikumi, huku akisisitiza kuwa hatua hiyo itasaidia kukuza utalii hasa wakati wa mashindano ya Mpira wa Miguu Barani Afrika  (AFCON 2027).

Pia Mhe. Mwigulu ametoa rai kwa taasisi zote za Serikali kutumia muda mwingi kuwezesha wawekezaji Binafsi ili kuvutia wawekezaji wengi zaidi nchini.

Kwa upande wake, Waziri wa Maliasili na Utalii, Ashatu Kijaji (Mb.) amesema ufunguzi wa loji hiyo utachangia kuongeza idadi ya watalii nchini, itakayochagiza kufikia malengo  ya kufikisha watalii milioni 8 ifikapo mwaka 2030.

Aidha, amesema hadi sasa idadi ya watalii imeendelea kuongezeka, ambapo imefikia watalii  milioni 5.9 ikilinganishwa na watalii  milioni 5.3 mwaka uliopita.

Dkt. Kijaji ameongeza kuwa, Wizara inaendelea kuchukua hatua za kimkakati ikiwemo kuwahamasisha Watanzania na wageni kutoka nje ya Nchi kutumia fursa ya treni ya mwendokasi (SGR), kufungua lango jipya la kuingia Hifadhi ya Taifa Mikumi kupitia eneo la Chamgore, Kilosa.

Akizungumza wakati wa uwasilishaji wa hoteli hiyo, mmiliki wa hoteli, Gullam ametumia fursa hiyo kuishukuru Serikali ya Rais Samia Suluhu Hassan kwa ushirikiano na namna inavyoendelea kuinua sekta binafsi, huku akiahidi kuendelea kuongeza uwekezaji katika sekta ya utalii hapa nchini.





Comments

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more