WATEJA 249 WILAYA ZA SAME NA MWANGA WANADAIWA ZAIDI YA MILIONI 200 NA MAMLAKA YA MAJI SAME-MWANGA.

 

WATEJA 249 WILAYA ZA SAME NA MWANGA WANADAIWA ZAIDI YA MILIONI 200 NA MAMLAKA YA MAJI SAME-MWANGA.

 Na Mwandishi wetu,

Same - Kilimanjaro.

Wateja takribani 249 kutoka wilaya za Mwanga na Same wanaotumia hudums ya  maji kutoka kwenye mamlaka ya maji safi na usafi wa mazingira Same-Mwanga (SAMWASA) wanadaiwa zaidi ya shilingi million 200 na mamlaka hiyo ikiwa ni madeni ya Ankara (bili) za maji.  

Akizungumza na mwandishi wetu, Mkurugenzi mtendaji wa Mamlaka ya Majisafi na Usafi wa mazingira Same – Mwanga Mhandisi Rashid Shaban Mwinjuma amesema mamlaka hiyo inakabiliwa na changamoto ya baadhi wateja takribani  249 wa wilaya ya same na Mwanga mkoani Kilimanjaro kutokulipa Ankara Cbill) za maji kwa wakati hali iliyosababisha mamlaka hiyo kudai zaidi ya milioni mia 200.

“Hali hii inatuathiri sisi mamlaka ya maji pale wananchi wanaposhindwa kulipa Ankara za maji kwa wakati, kwa hivi karibuni tumewaandikia barua wale wote tunaowadai, wanafikia 249 wa miji ya Same na Mwanga na wateja hawa tunawadai zaidi ya milioni 200, sasa hii fedha ni nyingi tukizikusanya kwa mara moja zinaweza kujenga mradi mpya, hivyo, tumeona si busara kwenda kusitisha huduma ya maji wa wadaiwa hao lakini tumeamua kuwaita ili tuzungumze tujue changamoto zao ni nini” alisema Mhandisi Rashid.

Mhandisi Rashid Ameongeza kuwa suluhu sahihi ya utatuzi wa changamoto hiyo ni kuzungumza  na mteja ili kwa pamoja waweze kutatua changamoto hizo na kumfanya mteja aweze kupunguza deni lake ili huduma iendelee kuboreshwa zaidi kwa wateja waliofikiwa na miundombinu ya maji na wale ambao hawajafikiwa.

Ameeleza kuwa wateja wengi walifika ofisini kwao kwa ajili ya mazungumzo huku wengi wakieleza kuwa kuvuja kwa maji mbele ya mita, kuacha mabomba ya maji wazi bila uangalizi hali ambayo imepelekea maji kupotea na kusababisha bili kuwa kubwa kwa mtumiaji huku wengine madeni yao yakitokana na mlipaji kutoweka kwa namna mbalimbali ikiwemo kufariki, kuhama makazi au kusafiri kwa muda mrefu.

Pamoja na mambo mengine amewaomba wananchi na wateja wote wa Wilaya ya Same na Mwanga kuwa endapo kuna changamoto inayohusu huduma ya maji kufika ofisini kwa ajili ya mazungumzo na kuona njia sahihi ya kusaidiana pamoja na kuewa elimu ya matumizi sahihi ya maji ili kuepuka bili kubwa mwizo wa mwezi.

Mmoja ya wateja (jina lake ameomba lisitajwe) waliofika ofisini hapo ametuambia kuwa deni lake limekuwa kubwa kutokana na kuachwa kwa bomba wazi wakati maji yanapokuwa hayatoki, ameeleza kuwa maji yanapokuja kutoka huenda nyumbani kukawa hakuna mtu wa kufunga bomba hilo na kusababisha maji kutoka kwa muda mrefu zaidi ya masaa 7 hali iliyomsababishia kuwa na deni la zaidi ya laki moja na nusu kwa mamlaka ya maji.

Mwisho mkurugenzi huyo alisisitiza kuwa dhamira ya mamlaka hiyo haiwzi kufikia malengo na mafanikio bila ushirikiano wa karibu kutoka kwa wateja na wananchi hususan katika swala la ulipaji wa Ankara za maji.


 

 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more