SAFARI ZA TRENI MIKOA YA KILIMANJARO NA ARUSHA KUREJEA RASMI JUNI 18.

SAFARI ZA TRENI MIKOA YA KILIMANJARO NA ARUSHA KUREJEA RASMI JUNI 18.



Na Musa Mathias,
Kilimanjaro. 

Mbunge wa Jimbo la Moshi Vijijini, Morris Makoi, ameendelea kusisitiza umuhimu wa Serikali kuharakisha mipango ya kuunganisha Mikoa ya Kaskazini na mtandao wa Reli ya Kisasa (SGR) ili wananchi wa maeneo hayo wanufaike na huduma bora za usafiri na uchukuzi kama ilivyo kwa maeneo mengine nchini.

Akizungumza katika mahojiano wakati wa mjadala wa Bajeti ya Serikali ya mwaka 2026/2027, Mhe. Makoi alisema ana matumaini makubwa kuona Serikali kupitia Wizara ya Uchukuzi na Wizara ya Fedha ikiweka wazi mkakati wa kufufua reli ya Kaskazini au kujenga reli mpya ya kisasa ya SGR itakayounganisha Mkoa wa Kilimanjaro na mikoa mingine ya Kaskazini.

Makoi alieleza kuwa kwa sasa mikoa mbalimbali ikiwemo Mwanza, Kigoma, Tabora pamoja na baadhi ya mikoa ya Kusini imeendelea kunufaika na uwekezaji mkubwa wa miundombinu ya reli, jambo ambalo limeongeza fursa za kiuchumi, biashara na usafirishaji wa abiria na mizigo.

"Ni wakati sasa kwa Serikali kueleza wazi ni lini reli ya Kaskazini itafufuliwa rasmi au ni lini ujenzi wa reli ya kisasa ya SGR kuelekea mikoa ya Kaskazini utaanza, ili wananchi wa maeneo haya nao wanufaike na maendeleo haya makubwa yanayoendelea nchini," alisema Makoi.

Baada ya maombi hayo, Serikali kupitia Shirika la Reli Tanzania (TRC) imetangaza rasmi kurejesha huduma za usafiri wa abiria kwa kutumia treni za reli ya MGR kuelekea Mikoa ya Moshi na Arusha pamoja na Mwanza na Kigoma.

Kwa mujibu wa taarifa iliyotolewa na TRC, huduma hizo zinatarajiwa kuanza rasmi tarehe 18 Juni, 2026, hatua ambayo imepokelewa kwa furaha na wananchi wa mikoa ya Kaskazini waliokuwa wakisubiri kwa muda mrefu kurejea kwa usafiri huo muhimu.

Wadau wa maendeleo katika ukanda wa Kaskazini wameeleza kuwa kurejea kwa huduma za treni ni hatua muhimu katika kuboresha usafiri na kuchochea shughuli za kiuchumi, huku wakisisitiza umuhimu wa Serikali kuendelea na mipango ya muda mrefu ya kuunganisha ukanda huo na reli ya kisasa ya SGR.

Hatua hiyo inaonekana kuwa ishara chanya kwa matarajio ya wananchi wa Kaskazini ambao kwa muda mrefu wamekuwa wakitamani kuona eneo lao likiunganishwa na mtandao wa reli ya kisasa unaoendelea kujengwa nchini kwa lengo la kuongeza ufanisi wa usafiri, biashara na uwekezaji


Mwisho.

Comments

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more