UJENZI WA BARABARA YA ITETE NJIWA–IPERA ASILIA WAPUNGUZA GHARAMA ZA USAFIRISHAJI WA MAZAO MALINYI


‎
‎#Wananchi wanufaika baada ya gharama za kusafirisha gunia la mpunga kushuka kutoka Shilingi 15,000 hadi 3,000
‎
‎Malinyi, Morogoro
‎
‎Wananchi wa kata ya Njiwa wilayani Malinyi mkoani Morogoro wameanza kunufaika na matunda ya ujenzi wa barabara ya Itete Njiwa–Ipera Asilia uliotekelezwa na Wakala ya Barabara za Vijijini na Mijini (TARURA) kupitia mradi wa RISE unaogharamiwa na mkopo nafuu toka Benki ya Dunia.
‎
‎Kukamilika kwa ujenzi wa barabara hiyo kumeelezwa kuwa mkombozi mkubwa kwa wakulima na wananchi wa maeneo hayo baada ya kupunguza kwa kiasi kikubwa gharama za usafirishaji wa mazao hususan mpunga.
‎
‎Hayo yamesemwa na Mwenyekiti wa kijiji cha Njiwa, Bw. Plasdius Lihawa ambapo amesema umbali kutoka maeneo ya mashambani hadi makao makuu ya kata ni takribani kilomita 12 lakini hapo awali wananchi walilazimika kutumia hadi shilingi 30,000 kusafirisha mazao yao kutokana na ubovu wa barabara.
‎
‎"Ilipokuja taarifa ya mradi huu wananchi walifurahi sana kwa sababu barabara ilikuwa changamoto kubwa kwetu. Kwa sasa baada ya ujenzi gharama zimepungua kwa kiwango kikubwa", amesema Bw. Lihawa.
‎
‎Kwa mujibu wake, mabadiliko makubwa yameonekana zaidi katika usafirishaji wa mpunga ambapo zamani gunia moja lilikuwa likigharimu hadi shilingi 15,000 kulifikisha sokoni lakini sasa gharama hiyo imeshuka hadi kati ya shilingi 3,000 na 5,000.
‎
‎Mbali na kupunguza gharama za usafirishaji ujenzi wa barabara hiyo pia umeongeza thamani ya mazao ya wakulima kutokana na urahisi wa kuyafikisha sokoni.
‎
‎"Zamani mnunuzi alikuwa anaangalia kwanza gharama ya usafiri kabla ya kupanga bei ya mazao. Lakini sasa anaweza kufika kwa urahisi kununua mazao na kuyasafirisha kwenda sokoni bila shida na hii imeongeza thamani ya mazao yetu", amesema.
‎
‎Kwa upande wake, Meneja wa TARURA Wilaya ya Malinyi Mhandisi Charles Mang’ela amesema, kazi zilizotekelezwa katika mradi huo ni pamoja na kunyanyua tuta la barabara kilomita 3, uchongaji wa barabara kilomita 3 pamoja na ujenzi wa maboksi kalavati mawili.
‎
‎Mhandisi Mang’ela amesema maboresho hayo yameongeza upatikanaji wa huduma za usafiri na mawasiliano kwa wananchi wa Itete Njiwa pamoja na Ipera Asilia.
‎

Comments

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more