JOHN MALECELA: AMANI NI MSINGI WA KUKUZA UTALII NCHINI.

JOHN MALECELA: AMANI NI MSINGI WA KUKUZA UTALII NCHINI.

Na Musa Mathias. 
Same - Kilimanjaro. 

Makamu wa Rais na Waziri Mkuu mstaafu, John Samuel Malecela, amesema kuwa mafanikio ya sekta ya utalii duniani yanategemea kwa kiasi kikubwa uwepo wa amani na utulivu, na kuwataka wananchi kuhakikisha wanailinda ili kuendeleza sekta hiyo muhimu kwa uchumi.
Malecela alitoa kauli hiyo jana wakati wa uzinduzi wa Tamasha la Same Utalii Festival lililofanyika katika viwanja vya stendi wilayani Same, mkoani Kilimanjaro. Alisisitiza kuwa utalii ni sekta muhimu inayochangia upatikanaji wa fedha za kigeni, huku baadhi ya nchi zikitegemea utalii kuendesha shughuli za serikali.
Alieleza kuwa misingi mikuu ya utalii ni pamoja na amani na ukarimu kwa wageni, akiwahimiza wananchi wa Same kuwa mfano bora katika kuwapokea watalii ili kukuza utalii wa eneo hilo.

“Mahali penye amani ndipo watalii huvutiwa kuja. Hata kama kuna kitu kizuri kiasi gani, kukikosekana kwa utulivu huwafanya watu waogope kufika. Amani ndiyo msingi wa ukuaji wa utalii na uchumi wetu,” alisema Malecela.

Aidha, aliongeza kuwa ukarimu ni jambo la msingi katika kuvutia wageni, kwani baadhi ya maeneo hukosa watalii kutokana na kukosekana kwa moyo wa kuwakaribisha wageni.

Aliwahimiza Watanzania kuendelea kudumisha amani na mshikamano, akisisitiza kuwa hayo ndiyo yatakayowezesha sekta ya utalii kukua na kuwanufaisha wananchi pamoja na taifa kwa ujumla.

Comments

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more