KAMATI YA SIASA CCM SAME YAMPONGEZA MBUNGE ANNE KILANGO, YAHIMIZA ULINZI WA VYANZO VYA MAJI NA MIUNDOMBINU YA MAJI.

KAMATI YA SIASA CCM SAME YAMPONGEZA MBUNGE ANNE KILANGO, YAHIMIZA ULINZI WA VYANZO VYA MAJI NA MIUNDOMBINU YA MAJI.

Same, Kilimanjaro.

Kamati ya Siasa ya Chama Cha Mapinduzi (CCM) Wilaya ya Same imempongeza Mbunge wa Jimbo la Same Mashariki, Mhe. Anne Kilango, kwa mchango wake mkubwa wa kuwasemea wananchi bungeni na kufuatilia kwa karibu upatikanaji wa miradi ya maendeleo inayogusa maisha ya wananchi wa jimbo hilo.

Pongezi hizo zimetolewa Aprili 22, 2026, wakati kamati hiyo ilipofanya ziara maalum ya kukagua, kufuatilia na kutathmini utekelezaji wa miradi ya maji inayosimamiwa na Wakala wa Maji Vijijini (RUWASA) katika maeneo mbalimbali ya Jimbo la Same Mashariki.

Katika ziara hiyo, kamati imeitaka jamii kutambua na kuthamini jukumu lao la msingi katika kulinda miundombinu ya maji pamoja na vyanzo vya maji, ikisisitiza kuwa wananchi ndio walinzi wa kwanza wa rasilimali hiyo muhimu kwa maisha na maendeleo yao.
Imeelezwa kuwa ushiriki wa wananchi katika ulinzi wa miundombinu hiyo utachangia kwa kiasi kikubwa kuhakikisha huduma ya maji safi na salama inaimarika na kuwa endelevu kwa vizazi vya sasa na vijavyo.

Akizungumza kwa niaba ya kamati hiyo, Bi. Neema Adam amesema licha ya jitihada kubwa zinazofanywa na serikali katika kuboresha huduma ya maji vijijini, bado kuna changamoto mbalimbali zinazoathiri upatikanaji wa huduma hiyo.
Amezitaja changamoto hizo kuwa ni pamoja na wizi wa miundombinu ya maji kama mabomba, uchepushaji wa maji kinyume cha taratibu zilizowekwa, pamoja na shughuli za kibinadamu hususan kilimo kinachofanyika karibu na vyanzo vya maji.

Bi. Adam amesisitiza kuwa ni wajibu wa kila mwananchi kushiriki kikamilifu katika kulinda miundombinu hiyo kwa manufaa ya wote, huku akiwahimiza viongozi wa chama na serikali kuanzia ngazi ya kata hadi vitongoji kuwa macho na kuchukua hatua za haraka kwa kutoa taarifa za siri wanapobaini vitendo vya uharibifu au hujuma dhidi ya vyanzo vya maji.

Kwa upande wake, Mkuu wa Wilaya ya Same, Mhe. Kasilda Mgeni, amesema serikali haitasita kuchukua hatua kali za kisheria dhidi ya mtu yeyote atakayebainika kuharibu vyanzo vya maji na miundombinu ya maji. Amesisitiza kuwa vitendo hivyo vinahatarisha afya na ustawi wa jamii, hivyo havitavumiliwa kwa namna yoyote ile.
Aidha, ameonya dhidi ya kuendelea kwa shughuli za kibinadamu kama kilimo na ufugaji karibu na vyanzo vya maji, akieleza kuwa hatua madhubuti zitachukuliwa kwa wote watakaokiuka maelekezo hayo. Ameongeza kuwa serikali inaendelea kuwekeza kwa kiasi kikubwa katika miradi ya maji ili kuboresha huduma hiyo, hivyo ni wajibu wa wananchi kushirikiana na serikali katika kulinda uwekezaji huo.

Katika hitimisho lake, Kamati ya Siasa ya CCM Wilaya ya Same imerudia kumpongeza Mhe. Anne Kilango kwa juhudi zake za dhati za kuwatumikia wananchi wa Same Mashariki.

Kamati hiyo imewasisitiza wananchi kuendelea kumuunga mkono mbunge huyo pamoja na juhudi za serikali ili kuhakikisha maendeleo yanayopatikana yanaendelea kudumishwa na kuwanufaisha wananchi wote wa jimbo hilo.











Imeandaliwa na @musamathiasnjogolo 
Mwisho.


#KipeoOnlineMedia #Habari #Tanzania #News #Update Asante kwa kusoma Kipeo Online Media. Tembelea kipeoonlinemedia.blogspot.com kwa habari zaidi, Subscribe Channel yetu ya Youtube hapa youtube.com/@kipeoonlinemedia?si=vZ45foO1hBmK1xvX karibu sana.

Comments

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more