BALOZI BATILDA: TUIMARISHE MIFUMO, UTAYARI WA KUDHIBITI MAJANGA.


Na,Agnes Mambo,Tanga.

MKUU wa Mkoa wa Tanga, Mhe Balozi Dkt Batilda Burian, ametoa rai kwa taasisi za umma na binafsi mkoani humo, kuendelea kuimarisha mifumo na utayari wa kudhibiti majanga, ili yasiwaathiri watu na mali zao.

Ameyasema hayo leo Julai 26, 2025, alipotembelea kiwanda cha kampuni ya Mamujee Products Limited ambacho jengo lake moja liliteketezwa kwa moto usiku wa kuamkia jana.

Mhe Balozi Dkt Batilda aliyefuatana na Katibu Tawala Mkoa, Rashid Mchatta na baadhi ya wajumbe wa Kamati ya Usalama (KU) ya mkoa huo, amesema mifumo na utayari wa Jeshi la Zimamoto na Uokoaji umesaidia kwa kiasi kikubwa kudhibiti madhara zaidi ambayo yangesababishwa na moto huo.


Mhe Balozi Dkt Batilda, alipata maelezo ya namna moto huo ulivyowaka na kudhibitiwa kwenye jengo hilo, hivyo kutoenea na kuathiri maeneo mengine ya kiwanda hicho kinachotengeneza mafuta ya kujipaka.

Maelezo hayo yalitolewa na Zimamoto, kisha Mhe Balozi Dkt Batilda alizungumza na askari wa jeshi hilo wa mkoani Tanga na waliotoka Kinondoni jijini Dar es Salaam, Pwani na vijana wa kujitolea walioshiriki kuuzima moto huo.

Mhe Balozi Dkt Batilda amesema, weledi na umahiri wa wazima moto walioshiriki, umefanikisha ukoaji wa mali za kampuni hiyo hususani majengo, bidhaa na miundombinu mingine.


Kamanda wa Jeshi la Zimamoto na Uokoaji wa Wilaya ya Tanga, Mrakibu Mwandamizi Kattala Issaka, amesema moto ulianza kuwaka majira ya saa tatu za usiku wa juzi na kwamba pamoja na mafanikio ya kuudhibiti, ipo haja kwa wawekezaji kuihusisha Zimamoto katika ujenzi na usimikaji wa miundombinu ili kutoa ushauri wenye tija pindi yanapotokea majanga kama moto.

Amesema moto ulioteketeza jengo la kiwanda hicho ungeweza kuenea na kuathiri maeneo mengine ikiwemo mtungi mkubwa wa gesi inayotumika kupikia (LPG), ofisi za utawala na maghala ya kuhifadhia bidhaa zinazozalishwa kiwandani humo, miongoni mwa mengine kadhaa.

Naye Meneja wa Kiwanda hicho, Ravi Thumpuri, ameupongeza uongozi wa Mkoa chini ya Mhe Balozi Dkt Batilda, kuwaunganisha wadau waliosaidia kuongeza nguvu na hatimaye kuudhibiti moto huo.


 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more