TFS YAPONGEZWA KWA KUTATUA CHANGAMOTO ZA WAFANYABIASHARA WA MAZAO YA MISITU KWA WAKATI


Mufindi, 22 Julai 2025

Wadau wa biashara ya mazao ya misitu wameipongeza Wakala wa Huduma za Misitu Tanzania (TFS), kupitia Shamba la Miti Sao Hill, kwa juhudi zake za kutatua changamoto zinazowakabili kwa wakati, hatua iliyowezesha kuboresha mazingira ya ufanyaji wa biashara hiyo.

Pongezi hizo zilitolewa wakati wa kikao kati ya viongozi wa Umoja wa Wadau wa Uvunaji wa Mazao ya Misitu (UWASA) na uongozi wa TFS – Shamba la Miti Sao Hill, kilichofanyika leo katika ukumbi wa makao makuu ya shamba hilo mkoani Iringa.

Akizungumza kwenye kikao hicho, Mwenyekiti wa UWASA, Bw. Chesco Ng’umbi, alisema licha ya kuwepo kwa changamoto kadhaa katika mnyororo wa uvunaji na usafirishaji wa mazao ya misitu, TFS imeendelea kuonyesha ushirikiano na kujibu changamoto hizo kwa wakati.

“Sisi kama wadau wa uvunaji katika Shamba la Sao Hill tunaishukuru TFS kwa kuwa sikivu na kushughulikia changamoto zetu kwa wakati. Ushirikiano huu umechochea maendeleo na kutuwezesha kufanya shughuli zetu kwa ufanisi,” alisema Bw. Ng’umbi.

Aidha, alisisitiza umuhimu wa elimu ya mara kwa mara kwa wadau kuhusu taratibu za kisheria katika biashara ya mazao ya misitu ili kuhakikisha shughuli hizo zinaendeshwa kwa mujibu wa sheria na kuepuka migongano isiyo ya lazima.

“Tunaomba TFS iendelee kutupatia elimu kuhusu biashara ya mazao ya misitu, hasa kuhusu taratibu na sheria. Vikao vya aina hii viendelezwe kwa ajili ya kujengeana uelewa wa pamoja,” aliongeza.

Kwa upande wake, Mhifadhi Mkuu wa Shamba la Miti Sao Hill, PCO Tebby Yoram, aliwataka wadau wa misitu kuhakikisha wanalipa vibali kwa wakati na kufuata utaratibu wa uvunaji na usafirishaji wa mazao hayo ili kuepuka migongano na taasisi za udhibiti.

“Mwaka wa fedha 2025/2026 umeanza. Tunawasihi waliopata migao ya uvunaji kuhakikisha wanakamilisha taratibu za ulipaji na uvunaji kwa wakati. Hii itachangia kuongeza mapato ya serikali kupitia TFS,” alisema Yoram.

Aliongeza kuwa mifumo inayotumika katika TFS inaunganishwa na taasisi nyingine, hivyo ni muhimu kwa wadau kuhakikisha nyaraka zao zinakuwa sahihi na halali wakati wote wa utekelezaji wa shughuli zao shambani.

“Tukumbuke kauli ya Mheshimiwa Rais Dkt. Samia Suluhu Hassan kuwa mifumo inatakiwa kusomana. Hivyo, taarifa zisizolingana kati ya taasisi huleta mkanganyiko. Tuongeze uaminifu na usahihi wa nyaraka,” alieleza Yoram.

Aidha, alisisitiza matumizi ya teknolojia ya kisasa katika biashara ya mazao ya misitu ili kuongeza tija, kurahisisha taratibu, na kuhakikisha wadau wanapata faida stahiki kupitia mfumo rasmi wa kibiashara.






 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more