MHANDISI MATIVILA AMTAKA MKANDARASI ANAYEJENGA DARAJA LA MOHORO KUKAMILISHA UJENZI KWA WAKATI



Rufiji, Pwani

Naibu Katibu Mkuu Ofisi ya Rais-TAMISEMI anayeshughulikia Miundombinu, Mhandisi Rogatus Mativila amemtaka Mkandarasi anayejenga daraja la Mohoro (MAC CONTRACTORS COMPANY LTD) lenye urefu wa mita 100 wilayani Rufiji mkoani Pwani kukamilisha ujenzi wa daraja hilo kwa wakati.

Akizungumza wakati wa ziara ya kukagua maendeleo ya ujenzi wa daraja hilo, Mhandisi Mativila amesema fedha za mradi huo zipo hivyo, amemsisitiza Mhandisi Mshauri anayesimamia mradi huo kumsimamia Mkandarasi akamilishe kazi hiyo kwa wakati ili kutatua changamoto ya usafiri na usafirishaji kwa wananchi wa kata ya Mohoro.

"Mliomba fedha kutokana na kazi hii kuongezeka, Serikali imeongeza fedha 50% ili kazi hii ikamilike, zipo kazi ndogondogo zinaweza kuendelea kufanyika, hivyo nasisitiza kazi hii ikamilike kwa wakati", amesema.


Aidha, amewataka Wakandarasi wazawa wajitahidi kukamilisha miradi kwa wakati ili Serikali iendelee kufanya kazi nyingi na Wakandarasi wa Kitanzania badala ya kuwatumia Wakandarasi wa nje.

Naye, Meneja wa TARURA mkoa wa Pwani, Mhandisi Ibrahim Kibasa amesema ujenzi wa daraja la Mohoro wenye thamani ya Shilingi Bilioni 17 unatakiwa kukamilika tarehe 24 Machi, 2026 na amemsisitiza Mkandarasi kuongeza kasi ya ujenzi wa daraja hilo likamilike kwa wakati ili wananchi waendelee kupata huduma katika maeneo yao.

"Mradi huu ukikamilika unaenda kuwasaidia wananchi wa Rufiji, shughuli nyingi za ukanda huu ni kilimo cha mazao mchanganyiko pamoja na viwanda hivyo kukamilika kwa daraja hili kutaongeza uzalishaji", amesema.

Kwa upande wake, Mhandisi Mkazi wa mradi huo, Emmanuel Mahimbo amesema ujenzi wa daraja hilo umefikia asilimia 50 ambapo wameshakamilisha ujenzi wa boksi kalavati mbili, nguzo nne na kuinua tuta la barabara ambapo ameeleza uchelewaji wa kazi umetokana na athari ya mafuriko ya mwaka jana pamoja na kupitia tena usanifu wa daraja hilo.

Nao, wakazi wa Mohoro, wameeleza furaha yao, wakisema daraja hilo litawasaidia wakazi wa vijiji vya Mohoro na Chumbi kusafirisha bidhaa zao,  litaepusha vifo vinavyosababishwa na mamba, litasaidia akina mama kujifungua hospitalini na kurahisisha usafiri wa watoto kwenda shule.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more