SEKTA YA MADINI YACHANGIA UJENZI UWANJA WA MPIRA CHUNYA*



*Ujenzi wafikia asilimia 85*

*Una viwango vya kutumiwa na Timu zote ikiwemo Simba, Yanga, Azam na nyingine*

Chunya

Katika mwendelezo wa kuchangia ukuaji wa  sekta nyingine  kwa maendeleo ya  Taifa na Jamii, shughuli za madini katika Mkoa wa Kimadini Chunya zimechangia ujenzi wa Uwanja wa Mpira wa Miguu wa Kisasa Wilayani humo kupitia michango ya wadau mbalimbali wa maendeleo wakiwemo wa Madini chini ya usimamizi ya Halmashauri husika.

Akizungumza katika mahojiano maalum na timu ya Madini Diary kutoka Wizara ya  Madini,  Mjumbe wa  Kamati ya maandalizi ya ujenzi wa uwanja  huo ambaye pia ni  Mkurugenzi  wa  KenGold Sports Club Keneth Mwakyusa amesema  kuwa, kujengwa kwa uwanja huo kunatokana na jitihada  zilizofanywa na  Halmashauri ya Chunya  kwa kushirikiana na wadau  mbalimbali wakiwemo wa  Sekta ya Madini zilizowezesha kujengwa kwa uwanja huo wa kisasa wa mpira wa miguu.

‘’ Tunaweza kusema mapato ya madini pia yamehusika katika ujenzi wa uwanja kwasababu wadau  waliochangia wapo pia wa madini  ambao  wametumia fedha zilizotokana na  na shughuli za madini lakini wapo na wadau wengine nje ya madini   na usimamizi  mkuu   umefanywa na Mkurugenzi wa Halmashauri ya Chunya akisaidiana na kamati ya ujenzi,’’ amesema.


Ameongeza kwamba, mbali na uwanja huo kutegemewa kutumiwa na timu za Chunya ikiwemo KenGold unatazamiwa katika siku usoni   kutumiwa  kubwa kama Yanga,  Simba, Azam na nyingine  huku  uwepo wake  ukitarajiwa kuchochea ukuaji wa sekta nyingine  kama hoteli, usafiri, chakula na nyingine na kuongeza kwamba hatua iliyofikiwa hivi sasa ni uwekaji wa nyasi bandia.

Akizungumzia mwenendo wa timu ya Kengold amsema kwamba timu hiyo bado inaendelea na mazoezi  na  wana Imani  kwamba itapanda tena daraja na hivyo kutumia fursa hiyo kuwataka wadau wa michezo nchini wakiwemo wananchi wa Chunya kuendelea kuiunga mkono timu hiyo.

‘’Timu  yetu ipo inaendelea na mazoezi, kwa mfano hivi karibuni ilicheza mchezo wa kirafiki na Songwe na zote zilitoka suluhu ya  mabao mawili kwa  mawili 2-2 kwa hivyo bado tuna imani  ya kurejea ligi Kuu,’’ amesisistiza,’’.

Naye, Fundi wa uwanja huo Msafiri Napanja amesema kazi inayoendelea  hivi sasa ni uwekaji wa nyasi bandia iliyopangwa kufanyika ndani ya siku 30 huku maendeleo ya ujenzi wa uwanja yamefikia asilimia 85.

Awali, akizungumza na timu hiyo ya Madini Diary, Afisa Madini Mkoa wa Kimadini Chunya Mhandisi Laurent Mayalla amesema kwamba mchango wa Sekta ya madini wilayani chunya umeyagusa maeneo mengi ikiwemo ya michezo kutokana na ujenzi wa uwanja  huo.

 *#Vision 2030: Madini ni Maisha na Utajiri



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more