DCEA YATOA MAFUNZO WILAYANI SAME KUPAMBANA NA DAWA ZA KULEVYA.

DCEA YATOA MAFUNZO WILAYANI SAME KUPAMBANA NA DAWA ZA KULEVYA.

Same, Kilimanjaro. 

Katika harakati za kitaifa za kuikomboa jamii dhidi ya janga la dawa za kulevya, Mamlaka ya Kudhibiti na Kupambana na Dawa za Kulevya (DCEA) Kanda ya Kaskazini, imeendesha mafunzo maalum kwa viongozi wa serikali kuanzia ngazi ya wilaya hadi vitongoji wilayani Same, mkoani Kilimanjaro.

Mafunzo hayo, yameyofanyika leo Mei 29, 2025 katika Ukumbi wa Halmashauri ya Wilaya ya Same ambayo yamelenga kuwawezesha viongozi hao kutambua, kuzuia na kushughulikia changamoto zinazotokana na matumizi na biashara haramu ya dawa za kulevya, huku yakisisitiza maadili, uwajibikaji na ushirikiano wa kijamii katika mapambano hayo.

Akizungumza wakati wa ufunguzi wa mafunzo hayo, Mkuu wa Wilaya ya Same, Mheshimiwa Kasilda Mgeni, amesema kuwa dawa za kulevya si tu kwamba zina madhara ya kiafya kwa binadamu, bali pia zinachangia kudhoofisha uchumi, kuvuruga familia, kusababisha kuporomoka kwa maadili, kupunguza nguvu kazi ya taifa na kuongeza matukio ya uhalifu.

Alisema: “Hili ni janga linalohitaji nguvu ya pamoja kuanzia viongozi, wazazi, walimu na vijana wenyewe ambao ndiyo waathirika wakubwa wa dawa za kulevya. Hivyo nawahimiza, kupitia mafunzo haya, mkawe mabalozi na waelimishaji, kuhamasisha na kusimamia utekelezaji wa mikakati ya kupambana dhidi ya dawa za kulevya katika maeneo yenu.”


Aidha, amewataka viongozi wa serikali kuhakikisha wanakuwa wawajibikaji, waadilifu na kutoshiriki au kufumbia macho biashara haramu ya dawa za kulevya katika maeneo yao, akibainisha kuwa serikali haitasita kuchukua hatua kwa yeyote atakayebainika kujihusisha na vitendo hivyo.

Kwa upande wake, Afisa Elimu kutoka Mamlaka ya Kudhibiti na Kupambana na Dawa za Kulevya Kanda ya Kaskazini, Ndg. Shaban Miraji, amesema kuwa sababu kuu zinazochangia matumizi ya dawa za kulevya ni pamoja na malezi duni, ukosefu wa elimu sahihi kuhusu madhara ya dawa hizo, pamoja na hali ngumu ya kiuchumi.
Kwa mujibu wa sheria ya Kudhibiti na Kupambana na Dawa za Kulevya ya mwaka 2015 inaeleza kuwa hukumu ya kifungo kisichopungua miaka 30 kwa kulima bangi au mirungi, kufanya biashara, kusafirisha au kukutwa na bangi au mirungi isiyozidi kilo 100 kifungo cha maisha zikizidi kilo 100.

Matumizi ya dawa za kulevya yanaathari mbalimbali kwa mtu binafsi, familia na jamii kwa ujumla. Baadhi ya madhara hayo ni kuathirika kwa afya ya mwili, matatizo ya akili na kisaikolojia, uharibifu wa mahusiano ya kifamilia na kijamii, utegemezi wa dawa hizo, kushuka kwa kiwango cha ufaulu kwa wanafunzi, kujiingiza kwenye uhalifu, na kupoteza ajira au kushindwa kufanya kazi kwa ufanisi.

Pia kuna madhara ya kiuchumi na kijamii kama vile umasikini, ongezeko la gharama za matibabu, kupoteza muda wa uzalishaji, kuongezeka kwa idadi ya watu wanaohitaji msaada wa kisheria au kitabibu, na kuzorota kwa maadili katika jamii. Madhara haya yote yanatoa picha ya athari kubwa zinazotokana na matumizi ya dawa za kulevya katika nyanja mbalimbali za maisha.

Mafunzo hayo yaliambatana na mada mbalimbali, ambapo mada kuu ilikuwa ni kuhusu dawa za kulevya, huku nyingine zikihusu maadili kwa watumishi wa umma, mapambano dhidi ya rushwa, pamoja na kuhamasisha kilimo mbadala kama njia ya kujenga uchumi wa mtu mmoja mmoja na jamii kwa ujumla.






Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more