RC BATILDA AKABIDHI MKATABA WA MRADI WA UMEME WA SH. BILIONI 20.5 KWA VITONGOJI 180 MKOANI TANGA


Na,Agnes Mambo,Tanga.

Mkuu wa Mkoa wa Tanga, Mhe. Balozi Dkt. Batilda Burian, amekabidhi rasmi mkataba wa mradi wa usambazaji wa umeme katika vitongoji 180 vinavyopatikana katika majimbo 12 ya uchaguzi mkoani humo.

Amesema Mradi huo unatekelezwa na Wakala wa Nishati Vijijini (REA) kupitia kampuni ya Transpower kwa gharama ya shilingi bilioni 20.5.

Akizungumza mara baada ya kukabidhi mkataba kwa mkandarasi, Mhe. Dkt. Batilda alitoa wito kwa wakandarasi wanaopata zabuni za kazi katika mkoa huo kuhakikisha wanatenga nafasi za ajira kwa vijana wa maeneo husika, ili wanufaike moja kwa moja na utekelezaji wa miradi ya maendeleo.

“Tunatamani sana vijana wapate ajira katika miradi hii, na nitoe msisitizo—nitapita kukagua kazi zinazofanywa, nikute vijana wa Tanga wapo,” alisisitiza Mhe. Dkt. Batilda.


Mkuu wa mkoa huyo, alitoa shukrani kwa Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa kuendelea kuleta fedha nyingi kwa ajili ya miradi ya maendeleo, ikiwemo nishati ya umeme, ambayo ni nguzo muhimu katika kukuza uchumi na maendeleo ya jamii.

Balozi Dkt. Batilda aliwataka REA kushirikiana na TANESCO kuhakikisha kuwa mradi huo unakamilika kwa wakati, ili wananchi wa vitongoji husika wapate huduma hiyo muhimu.

Naye Kaimu Mkurugenzi Mkuu wa Wakala wa Nishati Vijijini (REA), Mhandisi Romanus Lwema, alisema  serikali imeamua kuwekeza fedha nyingi kwenye sekta ya umeme kwa kuwa ni nishati ya msingi katika maisha ya kila siku na maendeleo ya wananchi.

Kwa upande wake mwakilishi wa mkandarasi kutoka kampuni ya Transpower, Cathbet Shirima, aliahidi kufanya kazi usiku na mchana kuhakikisha mradi unakamilika kabla ya muda uliopangwa.


 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more