Wananchi wa Lambo waishukuru serikali kwa kuwapatia ardhi ya Makazi

WANANCHI WA LAMBO WAISHUKURU SERIKALI KWA KUWAPATIA ARDHI YA MAKAZI.

Na Mwandishi Wetu, 

Hai, Kilimanjaro. 

Kaya 78 za Kitongoji cha Lambo, Wilaya ya Hai, mkoani Kilimanjaro, ziliokuwa zikikabiliwa na changamoto ya ardhi zimeishukuru serikali kwa kuwapatia ekari 156 za ardhi kwa ajili ya makazi. 

Wananchi hao ambao zamani walikuwa ni wafanyakazi wa shirika la umma la mkonge, Lambo Estate mwaka 1970, walikuwa

wakikabiliwa na changamoto ya ardhi pamoja na makazi ya kudumu baada ya mwekezaji kushindwa kuwahudumia.

Wakizungumza kwa nyakati tofauti wananchi hao, wamesema walikuwa wakiishi katika mazingira magumu baada ya mwekezaji kushindwa kuwahudumia na kwamba walikosa mahali pa kuishi na kuishi katika mazingira magumu.

Nyumba walizokuwa wakiishi awali baadhi ya wafanyakazi wa shirika la Mkonge, Lambo Estate, katika kitongoji cha Lambo, Wilaya ya Hai kabla ya kupewa ardhi ya makazi.



Aidha, wamesema hatua ya serikali kuwapatia ardhi ya makazi ya kudumu si tu imewapa utulivu wa maisha, bali imewajengea mazingira ya kufanya shughuli za maendeleo kwa uhuru na kujiinua kiuchumi.

Augustino Mwakatumbule, mmoja wa wakazi wa kitongoji hicho, amesema wanaishukuru serkali kwa kuwapatia ardhi kwa ajili ya makazi na kwamba kwa sasa kumekuwa na mabadiliko makubwa ya makazi ya kuishi.

"Mwanzoni tulishindwa kufanya uendelezaji wowote wa makazi kutokana na kwamba tulikuwa hatuna mahali pakujenga, tulijenga vijumba vidogo vidogo ambavyo havina ubora, lakini sasahivi baada ya kupatiwa maeneo na serikali, kumekuwa na mabadiliko makubwa ya makazi ya kuishi,"amesema Mwakatumbule.

Baadhi ya makazi ya wananchi wa kitongoji cha Lambo, Wilaya ya Hai baada ya kupewa ardhi ya makazi na serikali na kufanya uendelezwaji wa nyumba za kisasa.


Mkazi mwingine wa kitongoji hicho, Magreth Gunda amesema baada ya kupatiwa ardhi hiyo wameweza kufanya uendelezwaji mkubwa wa makazi na kwamba huduma zote za kijamii kwasasa zinapatikana katika maeneo yao.

"Hatua hii ya serikali kutupa maeneo, imebadilisha maisha yetu kwa kiasi kikubwa kwani kwa sasa tunaishi kwenye makazi bora na huduma muhimu kama umeme na maji zinaendelea kuletwa katika maeneo yetu,'amesema Magreth 

Akizungumza Katibu wa wafanyakazi wa Lambo Estate, Said Mwaliko amesema mgawanyo huo wa ardhi utapunguza manung'uniko kwa wananchi hao ambao zamani walikuwa ni wafanyakazi wa Lambo Estate.

Naye, Mwenyekiti wa Kitongoji cha Lambo, Vitalis Shamuhilu ameishukuru serikali kwa kutoa ardhi kwa ajili ya wananchi hao ambapo amesema serikali imetoa ekari mbili kwa kila kaya zipatazo 78.

"Serikali ilitoa ekari mbili mbili kwa kaya 78 zilizokuwa na uhitaji wa makazi, ambapo kwasasa hawa wananchi wamefanya maendeleo makubwa kwenye maeneo haya ambayo wanaishi kwa sasa,"amesema Mwenyekiti huyo 

Amesema “Tunaishukuru sana serikali ya awamu ya sita inayoongozwa na Rais Samia Suluhu Hassan kwa kuendeleza juhudi hizi, hadi sasa wananchi waliowengi tayari wamejenga makazi yao na wengine wameshahamia," amesema Shamuhilu.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more