KAMISHNA KUJI AWAPONGEZA MAAFISA NA ASKARI WA UDZUNGWA KWA KUBORESHA UHIFADHI WA BIOANUWAI NA SAYANSI YA WANYAMAPORI - UDZUNGWA


Na Philipo Hassan/ Mang’ula, Udzungwa

Kamishna wa Uhifadhi Shirika la Hifadhi za Taifa Tanzania (TANAPA), CPA (T) Musa Nassoro Kuji, leo Julai 01, 2025 amewapongeza Maafisa na Askari wa Hifadhi ya Taifa Milima Udzungwa kwa kuboresha na kuimarisha uhifadhi wa bioanuwai na sayansi ya uhifadhi wa wanyamapori. Kamishna Kuji aliyasema hayo katika kikao kilichofanyika katika Ofisi za Makao Makuu ya Hifadhi hiyo, yaliyopo katika mji mdogo wa Mang’ula mkoani Morogoro.

Akizungumza katika kikao hicho, Kamishna Kuji aliipongeza Menejimenti ya Hifadhi kwa mafanikio makubwa katika kuboresha shughuli za sayansi ya uhifadhi, hasa ikizingatiwa kuwa Hifadhi ya Taifa Milima Udzungwa ni moja ya maeneo ya kipekee yenye viumbehai adimu wasiopatikana mahali popote duniani.

“Nawapongeza sana kwa kulinda na kusimamia hifadhi. Mafanikio haya ni dhahiri kuwa hifadhi imeimarika katika kusimamia shughuli za sayansi ya uhifadhi ambayo ni pamoja na ufuatiliaji wa mifumo ya kiikolojia, afya za wanyamapori na kudhibiti milipuko ya magonjwa, udhibiti wa mioto, kuratibu na kushiriki tafiti mbalimbali, ufuatiliaji wa wanyama adimu, pamoja na tathmini za athari za mazingira kwa kila mradi wa maendeleo unaofanyika hapa,” alisema Kamishna Kuji.


Sambamba na hayo, Kamishna Kuji alibainisha kuwa kukamilika kwa miradi ya kimkakati inayotekelezwa katika hifadhi hiyo kutachochea ongezeko la watalii na kuongeza mapato ya Serikali.

Kwa upande wake Kamishna Msaidizi Mwandamizi wa Uhifadhi - John Nyamhanga ambaye ni Mkuu wa Kanda ya Mashariki, alielezea maendeleo mbalimbali ya hifadhi kwa kugusia maeneo ya uhifadhi, utalii, miundombinu, pamoja na shughuli za ujirani mwema ambazo zinaendelea kuwa chachu ya mafanikio na maendeleo ya hifadhi hiyo.

“Afande Kamishna, Udzungwa tunaendelea kuhifadhi na kuendeleza jitihada za kushirikisha jamii katika uhifadhi kupitia miradi ya ujirani mwema jambo ambalo linasaidia kupunguza athari za ujangili na kusaidia jamii kushiriki katika kulinda hifadhi,” alisema Kamishna Nyamhanga.


Akiwasilisha taarifa ya hifadhi, Kamishna Msaidizi wa Uhifadhi, Theodora Batiho - Mkuu wa Hifadhi ya Taifa Milima Udzungwa, alieleza mikakati mbalimbali inayotarajiwa kutekelezwa ili kufanikisha malengo ya kuongeza idadi ya watalii na mapato ya hifadhi hiyo.

“Tunatarajia kuanzisha mazao mapya ya utalii kwa mwaka wa fedha 2025/2026, ikiwa ni pamoja na kufungua lango la kupokea wageni eneo la Msosa na Mbatwa, kuanzisha utalii wa kuendesha baiskeli, kijiji cha utalii, zao la utalii wa michezo na matukio, pamoja na kuhamasisha wawekezaji kuja kuwekeza hifadhini,” alifafanua Kamishna Batiho.

Hifadhi ya Taifa Milima Udzungwa ni miongoni mwa Hifadhi za Tanzania zilizotajwa kuwania tuzo za kimataifa za World Travel Awards mwaka 2025 katika kipengele cha “Hifadhi Bora ya Milima Barani Afrika”. Kutajwa huku kunadhihirisha mchango mkubwa wa hifadhi hiyo katika uhifadhi wa viumbe hai, maendeleo ya utalii wa kiikolojia, pamoja na kuunga mkono juhudi za Serikali katika kutangaza vivutio vya utalii kimataifa.




 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more