*KAMISHNA KUJI: “ENDELEENI KULILINDA BONDE LA USANGU KWA UHAI WA MTO RUAHA MKUU NA IKOLOJIA YA RUAHA”*


Na. Jacob Kasiri - Mbarali.

Kamishna wa Uhifadhi - TANAPA CPA (T) Musa Nassoro Kuji amewataka Maafisa na Askari wa Hifadhi ya Taifa Ruaha waliopo upande wa Ihefu Mashariki na Magharibi kuendelea kulilinda Bonde la Usangu linalokusanya maji kuelekea Ardhi Oevu ya Ihefu ambayo ni chanzo cha Mto Ruaha Mkuu ambao zaidi ya asilimia 60 ya maji yake yameendelea kuwa lulu kwa uhai wa mimea na wanyamapori ndani ya hifadhi hiyo ya pili kwa ukubwa nchini Tanzania.

Ametoa kauli hiyo leo Julai 02, 2025 katika Ofisi za Makao ya Kanda ya Kusini yaliyopo Rujewa katika Wilaya ya Mbarali alipofanya kikao kazi na makamanda wa Jeshi hilo la Uhifadhi wa vituo vya doria vya Ikoga, Tagawano, Magda, Ulanga, Kiwale na  Ukwaheri.

Aidha, Kamishna Kuji aliongeza, “Licha ya kuhifadhi na kulinda maliasili hizi katika maeneo yetu ndani ya Hifadhi za Taifa 21 kwa weledi na ufanisi mkubwa, pia tutambue kuwa usalama wa nchi unatutegemea sana kwani maeneo yetu mengine yanapakana na nchi jirani hivyo tuendelee kuwa macho kuhakikisha hifadhi zetu haziwi mapango na vichaka vya kujifichia watu wasiotutakia amani.”


Vile vile, Kamishna Kuji aliwasilisha salamu kutoka kwa Bodi ya Wadhamini - TANAPA kuwa wanatambua mchango mkubwa unaotolewa na Maafisa na Askari kwani mmeendelea kuwa mstari wa mbele katika kuimarisha ulinzi wa rasilimali hizo.

Naye, Kamishna Msaidizi Mwandamizi wa Uhifadhi Godwell Meing’ataki - Mkuu wa Kanda ya Kusini, akimkaribisha Kamishna huyo alisema, “Nikupongeze kwa mafanikio makubwa kama Mkuu wetu wa Taasisi kwa tuzo saba (7) tulizoshinda, kati ya hizo mbili zimekuja kwa mara ya kwanza katika Hifadhi ya Taifa Ruaha iliyonyakua tuzo ya Hifadhi Bora kwa Utalii wa Kitamaduni barani Afrika na Hifadhi ya Taifa Kitulo ikitutoa kimasomaso kwa kuwa eneo bora kwa fungate barani Afrika.”

Akitoa taarifa fupi ya utendaji kazi, Afisa Uhifadhi Daraja la Kwanza Muhsin Mchau ambaye ni Mkuu wa Vituo vya doria vya Ikoga, Tagawano na Magda alisema kuwa kama kiongozi anayewaongoza askari na baadhi ya maafisa, wanaahidi kufanya kazi kwa bidii ili kulinda maliasili hizi kwa faida ya TANAPA na taifa kwa ujumla.


Aidha, Mhifadhi Mchau aliongeza kuwa licha ya bonde hili kukabiliwa na changamoto ya ujangili pia wameendelea kujikita zaidi katika kutoa elimu kwa jamii, kudhibiti ujangili na kushughulikia migogoro baina ya binadamu na wanyamapori kwa wakati na kwa ufanisi.

Ziara hii ya kikazi ya Kamishna Kuji ni muendelezo wa ziara yake ya kikazi ya kutembelea Hifadhi za Taifa 21 kwa lengo la kutoa maelekezo ya kiutendaji, kufuatilia shughuli za uhifadhi, utalii, fursa za uwekezaji  na kuimarisha utendaji ndani ya shirika.




 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more