BARAZA LA WAZEE MOROGORO LAFURAHISHWA NA UWEKEZAJI MKUBWA KITUO CHA KUFUA UMEME JNHPP*



📍*Wasema hali ya umeme kwa sasa Mkoani Morogoro ni shwari*

📍*Waishukuru TANESCO kwa kuwapa nafasi kutembelea Kituo hicho*

Baraza la Wazee Mkoa wa Morogoro limefurahishwa na uwekezaji uliofanywa na Serikali kupitia TANESCO katika kituo cha kufua umeme cha Bwawa la Julius Nyerere (JNHPP), baada ya kutembelea kituo hicho kama wazee wa miongoni mwa mikoa ya jirani inayopakana na kituo hicho kikubwa cha kufua umeme.

Hayo yamebainishwa na wajumbe wa Baraza hilo Septemba 10, 2025 walipotembelea kituo hicho ikiwa ni moja ya mikakati ya kujionea uwekezaji mkubwa uliofanywa na Serikali ya kuhakikisha watanzania wanapata huduma ya umeme.

Mmoja wa wazee hao Silver Samweli kutoka Ifakara amesema Mkoa wao umeendelea kunufaika na uwepo wa kituo hicho.

“Faida kubwa tunayoipata kupitia Kituo hichi ni pamoja na kupata umeme wa kutosha. Awali tulikuwa na umeme unakatika katika mara nyingi sana lakini sasa hivi hali hiyo haipo tena kutokana na uwepo wa Kituo cha Mwalimu Nyerere,” amesema Samweli

Nae Tatu mbonde amesema kwa uwekezaji mkubwa aliouona katika Kituo hicho kilichobaki ni Watanzania kuwa walinzi wakuu ili kuhakikisha umeme unaendelea kuzalishwa.

“Ninawaomba wananchi wetu kiujumla pamoja na wanamorogoro, tuulinde Mradi huu kwa asilimia 100, tusiharibu vyanzo vya maji, tusilime katika vyanzo vya maji kwa sababu mito yetu ndiyo inayojaza Bwawa la Mwalimu Nyerere linalotufanya sisi tupate umeme wa uhakika,” amesema Mbonde

Akizungumza katika ziara hiyo Mkurugenzi wa Kituo cha Bwawa la Julius Nyerere Mhandisi Manfred Mbyalu amesema miongoni wa wanufaika wa ajira wakati wa ujenzi wa Mradi wa Julius Nyerere ni pamoja na wananchi wa Mkoa jirani wa Morogoro hivyo ujio wa wazee wa Mkoa huo umekua kama ushuhuda wa kazi iliyofanyika.

“Wazee wamekuja kujiridhisha na kile kilichofanyika na kuona kweli vijana wao wameshiriki kwenye mradi huu mkubwa wa kimkakati kwa ajili ya kuleta maendeleo ya nchi yao,” ameongeza Mha. Mbyalu



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more