DC SAME AWAWAKIA WACHIMBAJI WA MADINI WANAOACHA MASHIMO, ATAKA YAFUKIWE ILI UWEPO USALAMA WA WANANCHI NA MAZINGIRA.

DC SAME AWAWAKIA WACHIMBAJI WA MADINI WANAOACHA MASHIMO, ATAKA YAFUKIWE ILI UWEPO USALAMA WA WANANCHI NA MAZINGIRA. 

Na Christina Thomas, 

Same, Kilimanjaro. 

Mkuu wa Wilaya ya Same, Mheshimiwa Kasilda Mgeni, amewaagiza wachimbaji wa madini ya viwandani kuhakikisha wanafukia mashimo yanayosalia baada ya shughuli za uchimbaji, ili kuepusha uharibifu wa mazingira ikiwemo mmomonyoko wa ardhi, hali inayohatarisha usalama wa wakazi wa maeneo husika.

Agizo hilo limetolewa jana wakati wa mkutano wa wadau wa madini ya viwandani (hasa Jasi, Pozolana na Bauxite) wa Mkoa wa Kilimanjaro uliofanyika wilayani Same. Mheshimiwa Kasilda alisema ni lazima wachimbaji wote waliowahi kuendesha shughuli za uchimbaji na kuacha mashimo, kuhakikisha wanayafukia ili maeneo hayo yaweze kutumika kwa shughuli nyingine za kijamii au kiuchumi.

“Kuna maeneo mengi ambapo wachimbaji wameacha mashimo wazi baada ya kumaliza shughuli zao. Naagiza Afisa Madini Mkazi wa Mkoa wa Kilimanjaro kuwatafuta wachimbaji hao na kuwahimiza kuyafukia mashimo hayo kwa sababu yanahatarisha usalama wa wananchi na kusababisha uharibifu wa mazingira,” alisema.

Aidha, Mheshimiwa Kasilda aliwakumbusha wachimbaji wote wa madini kuzingatia sheria na taratibu za uchimbaji mara tu baada ya kupewa leseni. Alisisitiza umuhimu wa kujitambulisha kwenye ofisi ya Mkuu wa Wilaya, Halmashauri, Kata na kijiji husika kabla ya kuanza shughuli ili kuhakikisha usalama wa eneo, hasa kutokana na baadhi ya maeneo kuwa na migogoro ya ardhi.

Kwa upande wake, Kaimu Meneja wa Madini Mkoa wa Kilimanjaro, Mhandisi Abel Madaha, alisema lengo la mkutano huo ni kuweka maazimio ya pamoja katika kushughulikia changamoto zinazowakabili wachimbaji wa madini ya viwandani. Alibainisha kuwa mkoani humo kuna zaidi ya wachimbaji 900 wenye leseni, zaidi ya watu 100 wana leseni za utafiti wa madini, na wengine 40 wana leseni za biashara ya madini.

Akizungumza kwa niaba ya wachimbaji wa madini ya viwandani wa Mkoa wa Kilimanjaro, Bw. Emmanuel Bwambo, ambaye pia ni mwenyekiti wa chama cha wachimbaji mkoani humo, alisema sababu kubwa ya kushindwa kufukia mashimo ni bei duni ya madini hayo sokoni ikilinganishwa na gharama kubwa za uchimbaji na ufukiaji, hali inayosababisha hasara kwa wawekezaji.

Katika mkutano huo, wadau walikubaliana mambo mbalimbali ikiwemo kuweka bei elekezi kwa wachimbaji, wafanyabiashara na wanunuzi kutoka viwandani ili kusaidia kufidia gharama za ufukiaji wa mashimo.

Pia walipendekeza kufanyika kwa vikao vya pamoja kati ya wadau wa sekta ya madini, Mamlaka ya Mapato Tanzania (TRA) na Halmashauri ili kutafuta njia rafiki ya utozaji ushuru na tozo mbalimbali, kwa lengo la kuhakikisha kila mdau anafaidika.




Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more