MSIACHE KUTENDA HAKI, JAMII SALAMA INAWATEGEMEA: BI. FELISTER MDEMU

MSIACHE KUTENDA HAKI, JAMII SALAMA INAWATEGEMEA – NAIBU KATIBU MKUU MDEMU

Na Mwandishi Wetu, 

Tabora.

Naibu Katibu Mkuu wa Wizara ya Maendeleo ya Jamii, Jinsia, Wanawake na Makundi Maalum, Felister Mdemu, amewataka waratibu wa Madawati ya Jinsia katika maeneo ya umma kuwajibika na kutenda haki ili kujenga jamii salama isiyo na vitendo vya ukatili.

Bi. Felister ameyasema hayo tarehe 12 Juni 2025 wakati akifungua kikao kazi cha mafunzo kwa waratibu wa madawati ya jinsia katika maeneo ya umma mkoani Tabora. Mafunzo hayo yamewaleta pamoja washiriki kutoka mikoa ya Tabora, Songwe na Rukwa.

"Matukio haya ya ukatili tutayaondoa ikiwa wote tutazungumza sauti moja, hivyo nawasihi tukatende haki, kila mmoja aone jukumu la kupinga vitendo vya ukatili ni lake," amesisitiza Naibu Katibu Mkuu Felister.

Ameongeza kuwa jamii inapaswa kufahamu na kufikisha taarifa za ukatili wa kijinsia kwa maofisa wa madawati waliopo kwenye vituo vya Polisi, vituo vya mabasi pamoja na maofisa ustawi wa jamii walioko katika halmashauri na ofisi za kata.

Kwa upande wake, Katibu Tawala wa Mkoa wa Tabora, Dkt. John Mboya, ameipongeza Wizara ya Maendeleo ya Jamii, Jinsia, Wanawake na Makundi Maalum kwa kujitokeza kila mara kushughulikia changamoto zinazotokana na vitendo vya ukatili.

"Sote ni mashahidi wazuri kwa hii Wizara, kila tunapowafikia kwa changamoto yeyote wamekuwa na muitikio wa haraka na tunafanikiwa kutatua changamoto hiyo bila kuwekewa vikwazo vya ucheleweshwaji," ameeleza Dkt. John.

Aidha, amesisitiza kuwa wanaume wasione haya kutumia madawati hayo katika kutoa taarifa za ukatili, kwani sasa huduma hizo zinapatikana hadi kwenye maeneo ya umma.

Awali, Mkurugenzi Msaidizi wa Idara ya Maendeleo ya Jinsia, Rennie Gondwe, akitoa salamu za Wizara, amesema kuwa Serikali imechukua hatua mbalimbali kukabiliana na ukatili ndani ya jamii, ikiwa ni pamoja na kuanzishwa kwa Madawati ya Jinsia katika maeneo mbalimbali nchini.


Wizara kupitia Idara ya Maendeleo ya Jinsia imepanua wigo wa huduma hizo kwa kuanzisha jumla ya madawati 238 katika masoko ndani ya mikoa 19 ambayo tayari yanafanya kazi. Mafunzo mbalimbali ya namna bora ya uendeshaji wa madawati hayo yameendelea kutolewa mara kwa mara, kwa lengo la kuhakikisha jamii inaungana kwa sauti moja kukemea, kupinga na kutotenda vitendo vya ukatili.









Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more