WAKILI MPANJU ATAKA MIKAKATI KUPAMBANA NA MILA NA DESTURI ZENYE MADHARA KWA JAMII.

WAKILI MPANJU ATAKA MIKAKATI KUPAMBANA NA MILA NA DESTURI KANDAMIZI KWA JAMII. 

Na Mwandishi Wetu. 

Ikungi - Singida 

Naibu Katibu Mkuu Wizara ya Maendeleo ya Jamii, Jinsia, Wanawake na Makundi Maalum, Wakili Amon Mpanju ameitaka jamii kushirikiana kwa pamoja ili kubaini na kuweka misingi imara ya kupambana na Mila na desturi zenye madhara kwa jamii na ambazo zimekuwa kikwazo cha maendeleo kwenye familia na Taifa kwa ujumla.

Wakili Mpanju ameyasema hayo Juni 2, 2025 katika Kata ya Ighombwe, Wilaya ya Ikungi, mkoani Singida wakati akizindua kitini cha wawezeshaji cha majadiliano ya mila na desturi katika jamii. 

Wakili Mpanju amesisitiza kuwa jamii inatakiwa kudumisha mila na desturi nzuri zinazochangia ustawi wa Taifa ili kujenga jamii imara.

"Tumekuja kusema na wananchi tukiamini maadili, mila na desturi chanya hurithisha kizazi kimoja hadi kingine hivyo niwaombe viongozi wa dini, wazee wa Mila na jamii kwa ujumla tushirikiane na Serikali kudumisha mila chanya na vile vikwazo vya maendeleo ambavyo vinachangiwa na mila na desturi hasi tunapaswa kuvikataa" ameeleza Wakili Mpanju.

Aidha Wakili Mpanju amewashukuru wadau ambao wamekuwa wakishirikiana na Wizara ikiwemo Shirika la Amani Girls kwa mchango wake mkubwa katika kuwawezesha wanawake na wasichana pamoja na kuendeleza maendeleo ya jamii kwa ujumla.

Wakili Mpanju ameongeza kwamba mila na tamaduni ni sehemu ya utambulisho wa jamii. Hivyo ni muhimu kuziendeleza zile zinazojenga mshikamano, lakini zile zinazowanyima haki watoto, wanawake au makundi mengine hazifai kuendelea katika jamii.

Amesema jamii inapaswa kuweka Mikakati ya kuhakikisha inaondokana na mila na desturi zenye madhara kwani zinapelekea uwepo wa vitendo vya ukatili katika jamii hivyo ni muhimu kupaza sauti na kutoa taarifa hasa na vitendo hivyo zinapotokea ili zifanyiwe kazi na mamlaka husika.

Akizungumza awali Mkurugenzi wa Idara ya Maendeleo ya Jamii Patrick Golwike amesema kuwa uzinduzi huo ni muhimu sana katika kuhakikisha Kampeni ya mageuzi ya kifikra kuwafanya wananchi kuwa kitovu cha maendeleo ngazi ya msingi inafanikiwa kuwafikia wananchi na kubadili fikra zao katika kujiletea maendeleo.

"Ndio maana timu ya wataalam kutoka Wizarani ilipiga kambi hapa kwa siku kadhaa kuendesha majadiliano na wanakijiji wa Kata ya Ighombwe na wote mkakubaliana kuacha mila ambazo mliona hazifai kwa maendeleo yenu na zile zenye kuleta ustawi kwenu mkataka ziendelee" ameeleza Golwike 

Ameongezea kuwa wanaamini baada ya kampeni hiyo wanaighombwe watashirikiana kupanga, kumiliki, kuindeleza na kuitunza miradi yote ya maendeleo watakayoianzisha na itakayoanzishwa na Serikali katika jamii yao.

Kilele cha Kampeni hiyo pamoja na uzinduzi wa kitini hicho uliwakutanisha viongozi mbalimbali ngazi ya mkoa na Wilaya, viongozi wa kidini na kimila, wadau kutoka Shirika la Amani Girls, Mwakilishi kutoka Ofisi ya Rais TAMISEMI na wanakijiji wa Kata ya Ighombwe ambao walimsimika Wakili Mpanju jina la Chief Seenge.




MWISHO

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more