WATUMISHI TUNZENI SIRI ZA UTUMISHI WA UMMA- DKT. JINGU

 

WATUMISHI TUNZENI SIRI ZA UTUMISHI WA UMMA- DKT. JINGU

Na Mwandishi Wetu,

Dodoma

Katibu Mkuu Wizara ya Maendeleo ya Jamii, Jinsia, Wanawake na Makundi Maalum Dkt John Jingu amewataka watumishi kuzingatia maadili ya  kazi ikiwa ni pamoja na kutunza siri za utumishi wa umma katika utekelezaji wa majukumu yao.

Dkt. Jingu ameyasema hayo Juni 6, 2025, Jijini Dodoma wakati akizungumza na watumishi wapya waliopangwa kufanya kazi katika Wizara ya Maendeleo ya Jamii, Jinsia, Wanawake na Makundi Maalum.

"Niwapongeze kwa kuaminiwa na kupata nafasi hii adhimu, nendeni mkafanye kazi kwa bidii huku mkizingatia maadili ya utumishi wa Umma, kafuateni sheria na taratibu zilizowekwa ambazo zinaelekeza nini kifanyike na nini kisifanyike.” amesema Dkt Jingu.

Aidha Dkt Jingu ameongeza kuwa watumishi hao wanapaswa kuzingatia usiri wa taarifa za umma huku akisisitiza kuwa milango ya ofisi yake iko wazi kwa wote wenye mawazo ya kuboresha utendeji kazi ili kufikisha uduma bora kwa jamii.

Sanjari na hayo ameongeza kuwa serikali ya awamu ya sita inayoongozwa na Rais Dkt. Samia Suluhu imeweka mazingira wezeshi kwa watumishi wa umma ikiwemo fursa zinazotolewa na taasisi za fedha na amewasihi watumishi hao kuzitumia.

Akizungumza kwa niaba ya wenzake  afisa ustawi wa jamii Msaiidizi Caroline Emili  amesema kuwa wanajivunia kuwa sehemu ya watumishi wa Wizara hiyo na kuahidi kufanya kazi kwa bidii, ubora, weredi na nidhamu. Ikiwemo kuitumia vyema taaluma yao katika jamii.

Wizara imepokea watumishi wapya 39 wakiwemo Maafisa Ustawi wa Jamii Wasaidizi 25, Mafundi Sanifu wawili, Wahudumu wa Afya wanne, Wapishi  wawili, Waandishi waendesha Ofisi watatu, Afisa Hesabu Msaidizi mmoja, Afisa TEHAMA mmoja na Afisa Muuguzi mmoja.




Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more