MBUNGE MWAKIOJA AWASISITIZA WANANCHI KUENDELEA KUIAMINI SERIKALI



Na Agnes Mambo,Mkinga

Mbunge wa Jimbo la Mkinga, Mhe. Twaha Said Mwakioja, amewahakikishia wananchi wa Kata ya Mwakijembe kuwa Serikali ya Jamhuri ya Muungano wa Tanzania itaendelea kusimamia haki na ustawi wa kila mmoja, huku akiomba wananchi waendelee kuwa na imani na serikali wakati taratibu za kutatua changamoto zao zikiendelea kufanyiwa kazi.

Mwakioja alitoa kauli hiyo Desemba 04, 2025 wakati akishiriki hafla ya Mkuu wa Mkoa wa Tanga, Balozi Dkt. Batilda Buriani, ya kukabidhi hundi za fidia kwa wananchi waliohamishwa kupisha Hifadhi ya Taifa ya Mkomazi katika Kijiji cha Mkota, Kata ya Mwakijembe, Wilaya ya Mkinga.

Mbunge huyo alibainisha kuwa changamoto za wananchi ni mchakato unaohitaji ushirikiano wa pande zote, na akatoa ahadi ya kufanya ziara kijiji kwa kijiji ili kusikiliza kero na kuzifikisha katika mamlaka husika kwa utatuzi wa haraka.


Aidha, Mwakioja alitumia nafasi hiyo kuwasilisha maombi mawili muhimu kwa Mkuu wa Mkoa kwa niaba ya wananchi:

Kwanza, kuwatupia jicho la huruma wananchi 25 ambao hawajapata stahiki zao za fidia kutokana na changamoto za kinyaraka.

“Nafahamu Mhe. RC ni mtu mwenye huruma na anayetekeleza maelekezo ya Rais wetu. Naomba wananchi hawa 25 wapewe kipaumbele ili nao wapate haki yao. Tumeona hata watumishi waliowahi kuachishwa kutokana na vyeti feki walilipwa stahiki zao kwa maelekezo ya huruma ya Mhe. Rais. Naamini na hili litawezekana,” alisisitiza.

Pili, aliiomba Ofisi ya Mkuu wa Mkoa kufuatilia kwa karibu eneo jipya walilopelekwa wananchi hao ili kuhakikisha lina miundombinu ya msingi ikiwemo maji, barabara na mazingira rafiki kwa makazi.

“Tuelekeze nguvu kuhakikisha eneo hili si tengefu tu kwa jina, bali ni mahali panapoweza kuwawezesha wananchi kuishi kwa furaha, amani na tabasamu usoni,” alisema.


Katika hatua nyingine Mhe. Mwakioja aliwashukuru Wananchi kwa namna walivyotekeleza vyema zoezi la uchaguzi mkuu uliopita na kuonesha imani kubwa kwa Serikali kwa kumpa kura nyingi Rais wa Jamhuri ya Muungano wa Tanzania, Dkt. Samia Suluhu Hassan; Mbunge wa Jimbo hilo; na Diwani wa Kata ya Mwakijembe, Mzee Mwadika.

“Nawashukuru sana ndugu zangu wa Mwakijembe. Pamoja na changamoto zenu nyingi, mmeendelea kuiamini Serikali yetu. Mmetupa kura za kishindo na kutuonesha dhamira yenu ya kutuunga mkono. Tutaendelea kuwa nanyi na kusikiliza kero zenu,” alisema.

Aidha alimuomba Mkuu wa Mkoa kutoa nafasi fupi kwa Diwani wa Kata hiyo, Mzee Mwadika, ili kuwahutubia wananchi wake kama ishara ya umoja na mshikamano katika hatua za kutatua changamoto zilizopo.

Tukio hilo limeacha matumaini makubwa kwa wananchi wa Mwakijembe, huku Serikali ikisisitiza kuwa hakuna mwananchi atakayeachwa nyuma katika kuhakikisha haki, fidia halali na ustawi wa jamii unaimarishwa.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more