SERIKALI IMEDHAMIRIA KUBORESHA VITUO VYA VIJANA- OMOLO



Na: OR-MV, Morogoro

Katibu Mkuu Ofisi ya Rais - Maendeleo ya Vijana Bi. Jenifa Omolo ameeleza  dhamira ya serikali katika kuvifanyia marekebisho vituo vya maendeleo ya vijana nchini ili viwe chachu ya kuwawezesha vijana kiuchumi, kijamii na kielimu.

Katibu Mkuu huyo amefanya ukaguzi huo leo (23 Desemba 2025) katika kituo cha Ilonga wilaya ya Kilosa  na kusisitiza kuwa vituo hivyo vya maendeleo ya vijana vina manufaa makubwa kwa vijana katika kuwajengea ujuzi wa vitendo.

“Kituo hiki cha Ilonga kilichopo Morogoro ni moja ya vituo vitatu (3) ambavyo ni cha Sasanda - Songwe na Marangu kilichopo Kilimanjaro ambapo amesema vituo hivyo viko kwenye mpango mkakati wa kuboreshwa ili viwasaidie vijana wanaoishi karibu na maeneo ya vituo hivo na kuendana na teknolojia” amesema.


Katika hatua nyingine Omolo amesema, Serikali ya Awamu ya Sita inayoongozwa na Dkt. Samia Suluhu Hassan, Rais wa Jamhuri ya Muungano wa Tanzania imetoa kipaumbele kikubwa katika masuala ya Maendeleo ya Vijana nchini hatua iliyopelekea kuanzishwa Wizara ya Vijana.

Naye Mkuu wa Wilaya ya Kilosa Shaka Hamdu Shaka ameishukuru Wizara hiyo kwa kuwa na mpango mkakati wa kufufua vituo vya Maendeleo ya Vijana wilayani hapo na kuahidi kuwa Ofisi yake itaonyesha ushirikiano thabiti ili kufanikisha Malengo ya Serikali ya Awamu ya Sita.

Wakizungumza kwa nyakati tofauti mmoja wa wananchi wanaoishi karibu na kituo cha hicho Bi. Mariam Saidi wamefurahishwa kuona ujio wa Katibu Mkuu na wameishukuru serikali kwa mpango mkakati wake wa kuboresha kituo hicho kwa ustawi wa maendeleo ya vijana.






Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more