MUWSA INAVYOTEKELEZA MIRADI YA MAJI 2025/26.

MUWSA INAVYOTEKELEZA MIRADI YA MAJI 2025/26.

Na Musa Mathias. 
Moshi- Kilimanjaro. 

Mamlaka ya Maji Safi na Usafi wa Mazingira Moshi (MUWSA) imeendelea na utekelezaji wa miradi mbalimbali ya maji kwa mwaka wa fedha 2025/2026, ambapo imepanga kukusanya zaidi ya Shilingi bilioni 5.8 kwa ajili ya uwekezaji na utekelezaji wa miradi hiyo.

Kati ya fedha hizo, zaidi ya Shilingi bilioni 4.2 zinatarajiwa kukusanywa kutoka mapato ya ndani ya mamlaka, huku zaidi ya Shilingi bilioni 1.6 zikitolewa na Serikali Kuu kupitia Wizara ya Maji. Mgawanyo huo unalenga kuimarisha utekelezaji wa miradi ya maji safi na maji taka katika maeneo mbalimbali ya Manispaa ya Moshi.

Akizungumza wakati wa kikao cha Kamati ya Ushauri ya Mkoa (RCC) kilichofanyika katika ukumbi wa mikutano wa Manispaa ya Moshi mkoani Kilimanjaro, Mkurugenzi wa MUWSA, Mhandisi Kija Limbe, alisema kuwa katika bajeti ya mwaka wa fedha 2025/2026, mamlaka imejipanga kutekeleza miradi ya kuboresha upatikanaji wa maji safi katika kata za Mweka, Sungu na Longuo A.
Alieleza kuwa miradi mingine ni utekelezaji wa miradi ya maji katika kata 12, ukarabati wa kilomita 34.5 za mtandao wa zamani wa maji, pamoja na ujenzi wa mtandao mpya wa maji safi wenye urefu wa zaidi ya kilomita 105 katika eneo lote la huduma la MUWSA.

Aidha, miradi hiyo inajumuisha kuendeleza vyanzo vya maji vya Saika na Chekereni Weruweru, ujenzi wa chujio la maji Mang’ana, ujenzi wa chemba 500 za kudhibiti upotevu wa maji, ujenzi wa mtandao mpya wa maji taka wenye urefu wa zaidi ya kilomita 10, pamoja na kuendeleza chanzo cha maji cha Njoro ya Dhobi.
Mhandisi Kija Limbe aliongeza kuwa MUWSA imebuni pia mradi wa kuendeleza chanzo cha maji cha Materuni, ambapo utekelezaji wake unategemea upatikanaji wa fedha kutoka kwa wadau mbalimbali wa maendeleo.

Hata hivyo, alisisitiza kuwa mamlaka itaendelea kutenga fedha kutoka mapato yake ya ndani kwa lengo la kuboresha upatikanaji wa huduma ya maji safi na majitaka katika Manispaa ya Moshi.

Akihitimisha kikao hicho, Mkuu wa Mkoa wa Kilimanjaro, Nurdin Babu, aliwataka watendaji na viongozi mkoani humo kuhakikisha wanatoa taarifa sahihi na za wazi kuhusu fedha zinazotolewa na Serikali kwa ajili ya utekelezaji wa miradi ya maendeleo.



Alisema uwazi huo ni muhimu ili wananchi waweze kutambua miradi inayotekelezwa katika maeneo yao na kufuatilia maendeleo yake kwa karibu.

Hadi kufikia Septemba 2025, katika utekelezaji wa bajeti ya mwaka wa fedha 2025/2026, MUWSA imeendelea kutekeleza miradi ya ujenzi wa mtandao wa maji safi na majitaka kwa viwango tofauti kulingana na upatikanaji wa fedha.

Mradi wa ujenzi wa mtandao wa maji safi katika kata 12 umefikia asilimia 34 ya utekelezaji, ukiwa na gharama ya Shilingi bilioni 6.88, ambapo Shilingi milioni 28.16 zimetumika hadi sasa kutoka MUWSA kwa ajili ya huduma za kitaalamu.

Aidha, mradi wa ujenzi wa chanzo cha maji cha Njoro ya Dhobi bado haujaanza kutekelezwa na hivyo kubaki katika asilimia 0 ya utekelezaji.
Kwa upande mwingine, mamlaka imefanikiwa kukamilisha kwa asilimia 100 mradi wa ujenzi wa mtandao wa majitaka unaounganisha Kiwanda cha Kuchakata Bidhaa za Ngozi cha Karanga–Kilimanjaro, baada ya kutumia Shilingi bilioni 1.80 zilizotolewa na Wizara ya Maji pamoja na mkopo. 

Vilevile, mradi wa kuboresha upatikanaji wa maji safi katika kata za Mweka, Sungu na Longuo A umefikia asilimia 33 ya utekelezaji, ambapo Shilingi milioni 540.79 zimetumika kupitia mkopo.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more