KAMISHNA TIRA AIPONGEZA BUMACO INSURANCE KWA UFANISI MKUBWA IKITIMIZA MIAKA 45

KAMISHNA TIRA AIPONGEZA BUMACO INSURANCE KWA UFANISI MKUBWA IKITIMIZA MIAKA 45.


Na Mwandishi wetu,
Moshi, Kilimanjaro. 

Wakati kampuni ya Bima ya Bumaco Insurance limited, ikitimiza miaka 45 tangu kuanzishwa kwake, Kamishna wa Mamlaka ya Usimamizi wa Bima nchini(TIRA), Dk Baghayo Saqware ameipongeza kampuni hiyo kwa maendeleo makubwa akisema historia ya kampuni hiyo inatoa hamasa kubwa kwa wawekezaji wa Kitanzania nchini.

Hayo ameyasema wakati alipotembelea na kuzindua ofisi za kampuni hiyo zilizopo eneo la KNCU na Double road, Manispaa ya Moshi Mkoani Kilimanjaro.
"Niwapongeze Bumaco mmeanza hatua kwa hatua hadi kufikia kuwa kampuni imara ya bima, Mmehamasisha Watanzania wengi kuingia kwenye uwekezaji wa bima, na sisi kama mamlaka tutaendelea kuwalinda na kuwawezesha ili muwe kampuni inayotegemewa siyo tu Tanzania, bali Afrika Mashariki, Afrika na dunia kwa ujumla,” amesema Kamishna huyo.

Aidha, ameipongeza menejimenti ya kampuni hiyo kwa kuendelea kutoa huduma bora kwa wateja, akisisitiza kuwa Kanda ya Kaskazini ina fursa kubwa ya ukuaji kutokana na idadi kubwa ya wateja waliopo.
Naye, Mkurugenzi Mtendaji wa Kampuni ya Bumaco Insurance, Dk Shirumisha Kwayu, amesema kampuni hiyo inaadhimisha miaka 45 tangu kuanzishwa kwake, ikiwa ni miongoni mwa kampuni za bima zilizodumu na kuendelea kutoa huduma kwa Watanzania katika sekta ya bima.

Amesema Bumaco Insurance imejikita katika kutoa huduma za bima za mali na bima za maisha kwa wateja mbalimbali, wakiwemo watu binafsi, familia, kaya pamoja na wafanyabiashara.

“Tupo kwa ajili ya kuwahudumia Watanzania kwa kutoa huduma za bima za magari, usafirishaji, biashara, bima za uaminifu, bima za maisha pamoja na bima za uwekezaji. Kama una biashara yako, Bumaco ipo tayari kulinda biashara na mali zako, pamoja na kuhakikisha familia yako iko salama,” amesema Dk Kwayu.

Ameeleza kuwa kampuni hiyo imefungua ofisi mpya mjini Moshi, eneo la Karibu na barabara ya Double Road, hatua inayolenga kusogeza huduma za bima karibu zaidi na wananchi wa Kanda ya Kaskazini.

“Leo tumefurahi sana kupata ujio wa Kamishna wa Bima ambaye amefika kuzindua ofisi zetu mpya. Hii ni ishara ya kutambuliwa kwa mchango wa Bumaco katika sekta ya bima nchini,” amesema.

Dk Kwayu ameongeza kuwa Bumaco Insurance imekuwa ikifanya vizuri katika ulipaji wa madai ya bima, akisema zaidi ya asilimia 95 ya madai halali yamelipwa kwa wakati.

“Tumekuwa tukihakikisha kuwa madai yote yanapitia uhakiki, na pale yanapothibitika kuwa halali, tunayalipa kwa haraka na kwa uadilifu mkubwa,” amesema.


Mwisho..



Comments

  1. Anonymous20 January 2026 at 06:19

    Hongera saaana Dr. Shirumisha na team nzima kufikia hatua hii. Hakika Bumaco ni jibu letu kwa bima na elimu

    ReplyDelete

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more