DKT. BITEKO ATAKA TATHIMINI IFANYIKE KWA HAKI KULETA MATOKEO



Na Ofisi ya Naibu Waziri Mkuu na Waziri wa Nishati

Naibu Waziri Mkuu na Waziri wa Nishati, Mhe. Dkt. Doto Biteko amewataka wataalam wa ufuatiliaji na tathmini nchini kufanya kazi yao kwa kizingatia misingi ya kitaaluma ili kuleta matokeo.

Dkt. Biteko amesema hayo Septemba 12, 2025 wakati akimwakilisha Makamu wa Pili wa Rais wa Zanzibar, Mhe. Hemed Suleiman Abdullah kufunga Kongamano la nne la Ufuatiliaji, Tathmini na Kujifunza (MEL) lililofanyika Jijini Mwanza.

“ Mnapofanya kazi zenu msijione wanyonge wala msitafute kupendwa bali tendeni haki kwa kutuonesha udhaifu uliopo na kuonesha ukweli ili - ufanyiwe kazi” amesema Dkt. Biteko.


Amewahimiza wataalam hao kufanya kazi bila kuhurumiana na badala yake kuwa wakweli kwa kuonesha mafanikio nanudhaifu uliopo ili kuleta ufanisi.

Katika hatua nyingine, amewapongeza wataalam wa ufuatiliaji na tathmini kwa kutekeleza maazimio ya mwaka uliopita kwa asilimia 78 na kuongeza kwa kuwataka kuongeza nguvu zaidi katika sekta hiyo.

“Nawapongeza kwa kazi nzuri ya thathmini ya maazimio yaliyofikiwa mwaka jana, lakini tunahitaji zaidi kutoka kwenu.” amesisitiza.

Aidha, Dkt. Doto Biteko amewaelekeza waajiri, wakurugenzi na wakuu wa idara na vitengo kuwapeleka wataalam wao katika mafunzo zaidi ya kitaalam ili waweze kupata mbinu na ujuzi wa kufanya majukumu yao kwa ufanisi zaidi.

Awali, Naibu Katibu Mkuu wa Ofisi ya Waziri Mkuu, Sera Bunge na Uratibu, Dkt. James Kilabuka amesema Kongamano la mwaka huu limewavutia washiriki wengi kutoka ndani na nje ya nchi.

“Mwaka huu tumepata washiriki zaidi ya 1,200 ikilinganishwa na washiriki 954 wa mwaka jana” amesema Dkt. Kilabuka

Kaulimbiu ya mwaka huu ni “Kuimarisha uwezo wa Ufuatiliaji na Tathmini kwa Jamii ili kuwezesha utendaji bora na Maendeleo endelevu”.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more