OFISI YA MWANASHERIA MKUU WA SERIKALI YAWATAKA WAHARIRI KUENDELEA KUZINGATIA MAADILI NA KATIKA KUCHANGIA AMANI YA TAIFA*



Ofisi ya Mwanasheria Mkuu wa Serikali imewataka Wahariri wa Vyombo vya Habari nchini kuzingatia maadili na kutumia kalamu zao kwa uadilifu katika kuhabarisha umma, kwa kuangazia umuhimu wa kulinda amani na usalama wa taifa wanapotekeleza majukumu yao ya kila siku.

Hayo yalisemwa na Mkurugenzi Msaidizi wa Uratibu,  Ofisi ya Mwanasheria Mkuu wa Serikali, Bw. Ipyana Mlilo, wakati wa kufunga kikao kazi  kati ya Ofisi ya Mwanasheria Mkuu wa Serikali na Wahariri wa vyombo vya habari, kilichofanyika leo Septemba 12, 2025 jijini Dodoma.

Bw. Mlilo amesema kuwa Sekta ya Habari ni muhimu katika taifa, hivyo kupitia kikao hicho kimetoa fursa ya kuimarisha ushirikiano kati ya Ofisi ya Mwanasheria Mkuu wa Serikali na Wahariri, ili kufanikisha utoaji wa elimu kwa jamii kwa weledi .

“Kikao kazi hiki kimekuwa na manufaa makubwa katika kuhakikisha jamii inapata uelewa mpana kuhusu masuala ya kisheria. Tumejadiliana mambo mengi na yote yamepokelewa kwa uzito; tutayafanyia kazi kwa lengo la kuendelea kuelimisha umma." Amesema Bw. Mlilo.

Akielezea majukumu ya Chama cha Mawakili wa Serikali Tanzania (TPBA) katika kikao kazi hicho Rais wa Chama hicho, Bw. Bavoo Junus, amesema kuwa TPBA ni nguzo muhimu katika kulinda, kusimamia na kutetea maslahi ya taifa na rasilimali zake.

Ameeleza kuwa TPBA ni chama cha kitaaluma kinachowaunganisha wanasheria wote wanaohudumu katika ofisi za umma kama ikiwemo halmashauri, wizara, wakala, taasisi za serikali, na Kampuni ambazo Serikali ina hisa.

“Tuna jukumu la kuelimisha jamii kuhusu masuala ya sheria. Hili limefanikiwa kupitia Kampeni ya Msaada wa Kisheria ya Mama Samia, ambayo imetekelezwa kwa mafanikio makubwa katika mikoa yote ya Tanzania Bara na Zanzibar,” amesema Bw. Junus.

Amefafanua kuwa TPBA, kupitia umoja wake, imeunda jukwaa la kuwaunganisha Mawakili wa serikali ambapo wamekuwa wakijadiliana kuhusu taaluma zao, pamoja na kutetea maslahi ya Serikali ya Jamhuri ya Muungano wa Tanzania.

Aidha, amesema kuwa Chama hicho kimekuwa na utaratibu wa kutoa mafunzo endelevu kwa wanachama wake ili kukuza ufanisi na uelewa wa mfumo wa Sheria nchini, badala ya kusubiri waajiri kutekeleza jukumu hilo.

“Tumeendelea kutoa elimu ya Sheria kupitia vyombo mbalimbali vya habari na kuandaa makongamano ya kisheria yanayolenga kukuza uelewa wa jamii kuhusu masuala ya kisheria,” amesema Junus.

Amesema kuwa TPBA kilianzishwa kwa mujibu wa Kifungu cha 16A(1) cha Sheria ya Utekelezaji wa Majukumu ya Ofisi ya Mwanasheria Mkuu wa Serikali, Sura ya 268, pamoja na Tangazo la Serikali Na. 589 la tarehe 16 Agosti 2019.

Aidha, Bw. Junus ameeleza kuwa TPBA na Chama cha Wanasheria Tanganyika (TLS) ni vyama viwili tofauti; ambapo TPBA ni chama cha kitaaluma kinachowaunganisha wanasheria wanaohudumu Serikalini pekee, ilhali TLS ni chama cha kitaaluma kinachowaunganisha wanasheria wote nchini bila kujali mwajiri wao.

Akizungumza kwa niaba ya Wahariri walioshiriki kikao kazi hicho, Mhariri Mkuu  Clouds Media  Bi. Joyce Shebe, ameishukuru Ofisi ya Mwanasheria Mkuu wa Serikali kwa kuratibu kikao kazi hicho ambacho kimekuwa na manufaa makubwa katika kuhakikisha wanakuwa na uelewa wa mambo mbalimbali ya kisheria jambo ambalo litasaidia kutekeleza majukumu yao Kwa ufanisi.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more