TUME YA MADINI, BOT NA FIU ZAKUTANA KUIMARISHA MAPAMBANO DHIDI YA UTAKATISHAJI FEDHA SEKTA YA MADINI*



Dodoma, Septemba 12, 2025

Tume ya Madini kupitia Kurugenzi ya Ukaguzi na Biashara ya Madini imekutana na wataalam kutoka Benki Kuu ya Tanzania (BOT) na Kitengo cha Kudhibiti Fedha Haramu (Financial Intelligence Unit – FIU) kwa lengo la kujadili changamoto na kuweka mikakati ya pamoja ya kudhibiti utakatishaji fedha katika sekta ya madini.

Kikao hicho kilichofanyika katika ofisi za Tume ya Madini jijini Dodoma kimekusudia kuimarisha ushirikiano kati ya taasisi hizo tatu ili kuzuia mzunguko wa fedha haramu kupitia miamala ya wadau wa sekta ya madini.

Akizungumza katika kikao hicho, Kaimu Mkurugenzi wa Ukaguzi na Biashara ya Madini kutoka Tume ya Madini, Annasia Kwayu, amesema kuwa ushirikiano huo utasaidia kuongeza uwazi na ufanisi katika mnyororo mzima wa biashara ya madini. 


Ameongeza kuwa Tume inatambua na kuthamini mchango wa FIU katika kutoa miongozo na mafunzo yanayosaidia kuimarisha mapambano dhidi ya utakatishaji wa fedha haramu.

“Tumejadili masuala mbalimbali na wenzetu kutoka BOT na FIU. Jambo kubwa ni kudhibiti utakatishaji fedha katika sekta ya madini ili kulinda heshima ya nchi kimataifa na kuongeza mchango wa sekta hii katika kukuza uchumi wa nchi,” amesema Kwayu.

Kwa upande wake, Dkt. Anna Lyimo kutoka Benki Kuu (BoT) amesema Benki Kuu, kama ilivyo kwa benki kuu za mataifa mengine, ina jukumu la kusimamia sera ya fedha na kulinda thamani ya shilingi ya Tanzania.

“BoT imejipanga kikamilifu kudhibiti mianya ya utakatishaji wa fedha haramu katika zoezi la ununuzi wa asilimia 20 ya dhahabu inayozalishwa nchini, na tupo tayari kushirikiana na Tume ya Madini ili kuhakikisha nchi inaendelea kuaminika kimataifa na kukuza uchumi wake,” amesema Dkt. Lyimo.


Naye Kamishna wa Kitengo cha Kudhibiti Fedha Haramu (FIU), Majaba  Magana, amesisitiza kuwa Tume ya Madini kama taasisi yenye dhamana ya kudhibiti utakatishaji fedha katika sekta ya madini, inatakiwa kuimarisha mifumo yake ikiwemo kuandaa miongozo ya utekelezaji ikiwa ni sehemu ya Mwongozo wa Usimamizi uliotolewa na FIU.

“Kwa upande wetu, tupo tayari kutoa ushirikiano wa karibu, ikiwemo kusaidia katika utoaji wa elimu kwa wadau wa sekta ya madini ili kuhakikisha kila mmoja anatimiza wajibu wake ipasavyo,” amesema Magana.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more