Kipeo Online Media

*TANZANIA NA ZIMBABWE ZAKUBALIANA KUENDELEZA UHUSIANO* Makamu wa Rais wa Jamhuri ya Muungano wa Tanzania Mhe. Dkt. Philip Mpango amekutana na kufanya mazungumzo na Makamu wa Rais wa Jamhuri ya Zimbabwe Mhe. Kanali Mstaafu Kembo Campbell Mohadi, Mazungumzo yaliyofanyika Ikulu Jijini Dar es Salaam wakati wa ziara ya siku mbili ya Makamu wa Rais wa Zimbabwe hapa nchini. Katika siku ya kwanza ya Ziara ya Makamu wa Rais Zimbabwe, viongozi hao wameongoza Ujumbe wa Tanzania na Jamhuri ya Zimbabwe katika mazungumzo rasmi ambayo yamelenga namna ya kukuza uhusiano na ushirikiano kati ya mataifa hayo mawili. Mazungumzo hayo yamegusia zaidi urafiki wa muda mrefu wa kihistoria baina ya Tanzania na Zimbabwe tangu enzi za harakati za ukombozi wa Taifa la Zimbabwe, ambapo Tanzania chini ya uongozi wa Baba wa Taifa, Hayati Mwalimu Julius Kambarage Nyerere ilitoa msaada wa hali na mali kwa wapigania uhuru wa Zimbabwe. Tanzania na Zimbabwe zimekubaliana kuendeleza uhusiano uliopo pamoja na kutunza histor...

Na Mwandishi Wetu, Karatu. Mdhibiti na Mkaguzi Mkuu wa Hesabu za Serikali, Bw. Charles Kichere,ijumaa tarehe 29.08.2025 amefanya  ziara maalum kwenye jengo la Makumbusho ya Ngorongoro Lengai UNESCO Global Geopark pamoja na kupanda mti wa kumbukumbu kwenye Eneo la Makumbusho hayo.  CAG Kichere ambaye aliongozana na mwenyeji wake, Kamishna wa Uhifadhi wa NCAA Bw. Abdul-Razaq Badru na menejimenti yake,  amejionea na kujifunza urithi wa kitamaduni unaoelezea upekee wa vivutio vya utalii vilivyopo  Ngorongoro, shughuli za utamaduni, urithi na historia za makabila mbalimbali. Akiwa ndani ya Jengo hilo, CAG Kichere alipata maelezo kutoka kwa Afisa Uhifadhi Mkuu Dr. Agnes Gidna ambaye ni Mtaalam wa Urithi wa Utamaduni NCAA, ambapo alionekana kufurahishwa na namna NCAA ilivyowekeza kwenye Makumbusho hiyo ambayo itatumika kama kivutio cha utalii pamoja na kujifunza kwa wadau mbalimbali. Hifadhi ya jiolojia ya Ngorongoro Lengai unatokana na urithi wa kijiolojia, kiikolojia na k...

📌 *Asema Wizara ya Nishati ipambane irudi na ushindi* 📌 *Asema Wizara ya Nishati iwe mfano kwa Wizara zingine* Mkurugenzi wa Utawala na Rasilimali Watu Wizara ya Nishati, Bi. Ziana Mlawa leo amesema kushiriki michezo mbali mbali inasaidia katika kujenga afya ya mwili na akili hivyo mtumishi anapopata nafasi ya kushiriki michezo yeyote aitumie ipasavyo pia husaidia hali itakayowajengea uwezo kujiamini zaidi ikiwemo katika maeneo ya kazi. Bi. Mlawa ameyasema hayo alipokuwa akiwaaga watumishi wa Wizara ya Nishati watakao shiriki michezo ya SHIMIWI itakayofanyika jijini Mwanza kwanzia tarehe 1 Septemba 2025 " Pamoja na kushiriki michezo ambapo ni mbali na eneo la kazi mkumbuke mkiwa huko ni eneo la kazi nidhamu na uadilifu uwe kipau mbele mdaa wote muwapo kwenye michezo  hiyo." Amesisitiza Bi. Mlawa Ameongeza kuwa watumishi hao wajitahidi wapate ushindi ambapo kwa ushindi huo Wizara itapata heshima njee na ndani ya Wizara  

Na Mwandishi wetu. Mdhibiti na Mkaguzi Mkuu wa Hesabu za Serikali Bw. Charles Kichere ametembelea kijiji cha Msomera kwa lengo la kuangalia ujenzi wa miundombinu mbalimbali inayojengwa na  Serikali katika kijiji hicho. Katika ziara hiyo CAG Kichere amekagua nyumba 1,500 ambazo tayari zimekamilika kwa ajili ya Wananchi wanaotokea Ngorongoro kuhamia kijiji cha msomera kwa hiari sambamba na kukagua miradi ya barabara, maji, shule na huduma za afya, umeme na maeneo ya mifugo kama minada na malisho. Mkuu wa wilaya ya Handeni mhe. Salum Nyamwese ameipongeza serikali kutokana na jitihada kubwa za uwekezaji katika kijiji hicho ambacho kimekuwa cha mfano Tanzania. Katika ziara hiyo Bw. Kichere alifuatana na Kamishna wa Mamlaka ya Hifadhi ya Ngorongoro bwana Abdul-Razaq Badru pamoja na watendaji wengine wa ofisi ya Mdhibiti na Mkaguzi Mkuu wa Serikali, Halmashauri ya Wilaya ya Handeni na Mamlaka ya Hifadhi ya Ngorongoro.  

📌 *Majiko banifu 5,176 kusambazwa na kuuzwa kwa bei ya ruzuku mkoa wa Iringa*  📌 *Jiko moja kuuzwa kwa bei ya ruzuku ya TZS 14,300 tu* . 📍 *IRINGA*  Wakati Taifa likiwa kwenye mkakati wa kuhakikisha Watanzania wanatumia nishati safi na salama ya kupikia, Wakala wa Nishati Vijijini umekuja na mpango wa usambazaji na uuzaji wa  majiko banifu 200,000 kwa bei ya ruzuku yanayotumia kuni na mkaa mchache sana na yenye ufanisi mkubwa katika matumizi yake. Akiwasilisha taarifa ya mradi kwa mkuu wa mkoa wa Iringa, Mhandisi Kelvin Tarimo amesema, Mradi huu umekuja kwa lengo la kuimarisha utunzaji wa Afya za wananchi na Mazingira, kukuza upatikanaji wa Nishati Safi na Endelevu, kupanua usambazaji wa nishati mbadala katika maeneo ya Vijijini na zaidi kuhamasisha matumizi ya teknolojia safi kupitia teknolojia za kisasa na bora za kupikia. Mhandisi Tarimo ameendelea kwa kusema, Serikali kupitia wakala wa Nishati Vijijini umeandaa mpango huu wa usambazaji na uuzaji wa majiko banifu ik...

*ASISITIZA UMUHIMU WA USHIRIKIANO ZAIDI WA KIUCHUMI BAINA YA MATAIFA HAYO MAWILI* Makamu wa Rais wa Jamhuri ya Muungano wa Tanzania Mhe. Dkt. Philip Mpango amekutana na kufanya mazungumzo na Balozi wa Jamhuri ya Ghana nchini Tanzania anayemaliza muda wake Mhe. Damptey Bediako Asare, mazungumzo yaliyofanyika Ikulu Jijini Dar es Salaam. Katika mazungumzo hayo, Makamu wa Rais amesema Tanzania na Ghana zimeendelea kunufaika na uhusiano uliopo wa kihistoria ulioanza tangu kipindi cha utafutaji uhuru wa mataifa hayo ukichagizwa na urafiki wa Baba wa Mataifa hayo, Baba wa Taifa hayati Mwalimu Julius Kambarage Nyerere pamoja na Baba wa Taifa la Ghana hayati Kwame Nkurumah. Amesema Tanzania inatambua mchango wa Jamhuri ya Ghana katika ukombozi wa Mataifa ya Kusini mwa Afrika wakati wa kupigania uhuru. Makamu wa Rais amesema mataifa hayo mawili yameendeleza ushirikiano uliopo ambapo kwa sasa yamejikita zaidi katika mahusiano ya kiuchumi. Ameongeza kwamba ni muhimu kuendelea kushirikiana zaidi ka...

Na Ashrack Miraji   Serikali wilayani Same imeagiza chama cha wachimbaji wa madini ya viwandani kukaa pamoja na kumaliza mgogoro unaoendelea baina ya chama hicho na baadhi ya wanachama wake ndani ya siku tatu, ili kuruhusu kuendelea kwa shughuli za uchimbaji katika eneo la Makanya. Agizo hilo limetolewa na Mkuu wa Wilaya ya Same, Mhe. Kasilda Mgeni, wakati wa kikao kilichowakutanisha wachimbaji wa madini, wadau wa viwanda pamoja na wanachama wa chama hicho Agosti 27, 2025 ambapo aliwataka wanachama hao kuacha kutengeneza migogoro kwa maslahi binafsi.  “Kwenye chama kuna wanachama wenye migogoro na uongozi wao kwa maslahi yao binafsi. Nawaagiza mkutane, mshirikiane na timu yangu niliyoiunda hapa na mmalize tofauti hizo ndani ya siku tatu. Msitengeneze migogoro ndani ya chama, tunahitaji biashara ya madini iendelee,” alisema Mhe. Kasilda. Aliongeza kuwa wachimbaji wanapaswa kufuata sheria na taratibu za uchimbaji, kujenga mahusiano mazuri baina ya jamii, chama na wanachama wake ...

📌REA KUANZA  UUZAJI NA USAMBAZAJI MAJIKO BANIFU 6,488 MKOANI SONGWE 📌MAJIKO BANIFU 1,622 KUSAMBAZWA KILA WILAYA 📍 SONGWE Wakazi wa mkoa wa Songwe waaswa kuunga mkono jitihada za Serikali katika utunzaji wa mazingira na afya zao kwa kutumia nishati safi na salama ya kupikia. Hayo yamebainishwa leo Agosti 28, 2025 wakati wa utambulishaji wa mradi wa usambazaji na uuzaji wa majiko banifu mkoa wa Songwe na mhandisi wa miradi kutoka wakala wa nishati vijijini, Kelvin Tarimo. Mhandisi Tarimo amesema, serikali kupitia wakala wa nishati vijijini imeandaa mpango wa utekelezaji mkakati wa kitaifa wa matumizi ya nishati safi ya kupikia ili kufikia lengo la zaidi ya asilimia themanini 80% ya watanzania ifikapo 2034 wawe wanatumia nishati safi ya kupikia. Mhandisi Tarimo ameendelea kwa kusema, katika kutekeleza mradi huu, Wakala wa Nishati Vijijini umeeandaa mpango wa uuzwaji wa majiko banifu 200,000 kwa bei ya ruzuku yenye ufanisi mkubwa katika utumiaji wake Kwa mkoa wa Songwe, mradi huu un...

Na Hamis Dambaya, Ngorongoro. Mdhibiti na Mkaguzi Mkuu wa Hesabu  za Serikali Bw. Charles Kichere  ametoa wito kwa watumishi wa Mamlaka ya Hifadhi ya Ngorongoro kuendelea kufanya kazi kwa kuzingatia sheria, taratibu, kanuni na kushirikiana ili kulinda matumizi sahihi ya rasilimali za umma. Akizungumza na menejimenti ya Ngorongoro, Kichere amesema njia pekee ya taasisi kufanya vizuri pale zinapokaguliwa ni kuzingatia sheria,Kanuni na taratibu zilizowekwa. “Siku zote mnapotimiza majukumu yenu ya kila siku ni muhimu kuzingatia sheria, weledi na kukumbuka kuwa mpo ili kuwatumikia watanzania kupitia rasilimali mnazosimamia”,alisema bwana Kichere. Kamishna wa Uhifadhi Mamlaka ya Hifadhi ya Ngorongoro Bw. Abdul-Razaq Badru alimpongeza CAG kwa ziara hiyo na kusema kuwa mamlaka itaendelea kuboresha mifumo utendaji kazi hususan kusimamia kikamilifu shughuli za uhifadhi, utalii na maendeleo ya jamii ili kuendelea kuongeza tija kwa Taifa. Mdhibiti na Mkaguzi Mkuu wa Hesabu za Serikali yup...

Katibu Tawala wa Mkoa wa Rukwa Ndugu Msalika Makungu, leo Agosti 27, 2025, ametembelewa na ugeni kutoka Wakala wa Nishati Vijijini  katika ofisi yake iliyopo katika mtaa wa  1 Barabara ya mkoani mkoa wa  Rukwa.. Wakala huo ambao unajishughulisha na usambazaji wa nishati vijijini  kwenye  mikoa yote ya Tanzania Bara, kwa sasa umekuja na mradi mwingine mpya wa usambazaji na uuzaji wa majiko banifu kwa bei ya ruzuku katika mikoa yote ya Tanzania Bara. Akizingumza wakati wa utoaji wa  taarifa ya mradi, Mhandisi Kelvin Tarimo amesema, Lengo la kumtembelea Katibu Tawala wa Mkoa ni kutambulisha mradi huo wa uuzaji na usambazaji wa majiko banifu kwa bei ya ruzuku wenye thamani ya zaidi ya Milioni  291.3, ambapo kwa mkoa wa Rukwa  mradi utatekelezwa kwenye wilaya tatu  ambazo ni wilaya ya Kalambo, Sumbawanga na Nkasi na  kila wilaya itapata idadi ya majiko banifu 1,698. Akitoa ufafanuzi juu ya lengo la mradi huo hapa Rukwa, mhandisi Tarimo, amese...