APP YA MKULIMA YAFUNGUA MILANGO YA MAARIFA KWA WAKULIMA

Tembelea Channel yetu ya Youtube uweze ku Subscribe kwa taarifa zaidi.

APP YA MKULIMA YAFUNGUA MILANGO YA MAARIFA KWA WAKULIMA

Na Christina Thomas,

Morogoro.

Katika dunia inayokua kwa kasi kiteknolojia, upatikanaji wa taarifa sahihi na za kisasa umekuwa nguzo muhimu katika kuongeza tija kwenye kilimo na ufugaji. Dhana hii imesukumwa mbele na Maktaba ya Taifa ya Sokoine ya Kilimo (SUA) kupitia App ya Mkulima, programu inayosogeza machapisho ya kilimo moja kwa moja kwa mkulima kupitia simu za mkononi.

App hii, iliyozinduliwa na Maktaba ya Taifa ya SUA chini ya usimamizi wa wataalamu wa habari na maktaba, inalenga kurahisisha na kuharakisha upatikanaji wa taarifa za kisayansi na mbinu bora za uzalishaji. Kupitia programu hiyo, wakulima na wananchi sasa wanaweza kusoma machapisho, tafiti, na miongozo mbalimbali bila kulazimika kufika maktabani au kutumia kompyuta.

Jabir Jabir, Mkutubi na Msimamizi wa Kitengo cha Rejea na Machapisho kwa Jamii kutoka Chuo Kikuu cha SUA, amesema kubuniwa kwa App ya Mkulima ni sehemu ya mkakati mpana wa kuboresha Mkulima Collection ghala la taarifa za kilimo linalohifadhi machapisho mbalimbali yanayohusu uzalishaji bora na kuongeza mapato.

“Awali, huduma za Mkulima Collection zilipatikana zaidi kwa watumiaji wa kompyuta kupitia tovuti ya SUA. Tuliona haja ya kuwasogezea taarifa wale wanaotumia simu za mkononi, hasa wakulima walioko vijijini. Sasa, kupitia App ya Mkulima, taarifa zinapatikana kwa haraka, urahisi, na bila gharama kubwa,” amesema Jabir.

Kwa mujibu wa wataalamu wa maktaba, App hiyo tayari inapatikana kwenye Google Play Store na inaweza kupakuliwa bure. Baada ya kupakua, mtumiaji anaweza kuifungua na kuvinjari machapisho mbalimbali ya kilimo, mifugo, na masuala ya mazingira kwa lugha rahisi na nyepesi.

Jabir amesisitiza umuhimu wa wakulima na wananchi kwa ujumla kujenga tabia ya kusoma na kufuatilia taarifa mpya, akibainisha kuwa maarifa hubadilika kwa kasi kutokana na mabadiliko ya tabianchi na maendeleo ya teknolojia.

“Taarifa za zamani zinaweza kutoendana na changamoto za sasa. Kupitia App ya Mkulima, wakulima wanaweza kupata maarifa mapya yanayokwenda na wakati, na hivyo kuongeza uzalishaji na ufanisi,” amesema Jabir.

Katika Maonesho ya Nanenane Kanda ya Mashariki mkoani Morogoro, huduma ya Mkulima Collection imetolewa kwa njia ya nakala ngumu na kidijitali, jambo lililovutia wakulima, watafiti, wanafunzi, na viongozi wa sekta ya kilimo waliotembelea banda la SUA.

Baadhi ya wakulima na wafugaji waliohudhuria maonesho hayo wamesema kuwa hatua ya SUA kuanzisha App ya Mkulima inawarahisishia kufuatilia maendeleo ya teknolojia mpya za kilimo na ufugaji, na pia inawaunganisha moja kwa moja na vyanzo vya maarifa vya kuaminika. Wamesema kusoma kwenye simu kumewasaidia kutatua changamoto kwa wakati, bila kusubiri mikutano au mafunzo ya ana kwa ana.

Mariam Ally Mussa, mkulima kutoka Wilaya ya Mvomero, amesema App hiyo imewasaidia kupata maarifa ya kupanda mbegu bora za mihogo na mahindi kwa tija kubwa.

“Nilipata changamoto ya kupata taarifa za kisasa za kilimo chenye kuhimili ukame. Sasa naweza kusoma mwongozo kwenye simu hata nikiwa shambani, na kuona hatua zote za uzalishaji,” amesema Mariam.

Kwa mujibu wa SUA, lengo la kuanzisha App ya Mkulima ni kuondoa vikwazo vya upatikanaji wa taarifa, kuharakisha uenezaji wa teknolojia za kisasa za kilimo, na kuhakikisha wakulima wote, hata walioko mbali na miji, wanapata maarifa yanayolingana na mahitaji yao ya kila siku.

Hatua hii inatarajiwa kuongeza uzalishaji wa mazao na mifugo, kupunguza gharama za uzalishaji, na kuimarisha usalama wa chakula nchini. Pia, inapoongeza maarifa kwa wananchi, inachangia kukuza uchumi wa taifa kupitia kilimo chenye tija na biashara ya mazao yenye thamani kubwa.

https://youtu.be/0jrKV4xGqkE?si=5GmZBjTCiRIBFNg8

Mwisho.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more