Mafuwe achukua fomu ya INEC kugombea ubunge Jimbo la Hai

Mafuwe achukua fomu ya INEC kugombea ubunge Jimbo la Hai

Na Musa Mathias,
Moshi, Kilimanjaro. 

Mgombea ubunge mteule kupitia chama cha Mapinduzi (CCM) Jimbo la Hai, Saashisha Mafuwe amechukua fomu ya kuwania nafasi ya ubunge kwa kipindi cha pili katika jimbo hilo kwa ajili ya uchaguzi mkuu wa Oktoba 28, mwaka huu.

Agosti 23,2025 Halmashauri kuu ya Chama cha Mapinduzi CCM Taifa (INEC), ilitangaza majina ya wagombea ubunge na uwakilishi kupitia chama hicho, kwa majimbo ya Tanzania Bara na Zanzibar, pamoja na viti maalum kwa uchaguzi mkuu wa mwaka 2025.

Mafuwe amekabidhiwa fomu hiyo leo Jumanne , Agosti 26 2025, na Msimamizi wa uchaguzi wa Jimbo hilo, Aidan Angetile katika Ofisi za uchaguzi zilizopo katika Jimbo hilo.

Akizungumza mara baada ya kuchukua fomu hiyo, Mafuwe amewashukuru wanachama wa chama hicho kwa kuendelea kumuamini na kumpa nafasi kwa mara nyingi kugombea nafasi ya ubunge katika jimbo hilo.

"Namshukuru Mwenyezi Mungu kwa kunipa kibali, nakishukuru sana chama changu cha Mapinduzi ngazi zote za uteuzi kuanzia Wilaya hadi ngazi ya taifa kwa kuniteua miongoni mwa vyuo wanachama wengi ndani ya Jimbo la Hai, kuwa miongoni mwa kupeperusha bendera ya CCM,"amesema Mafuwe 

Ameongeza"Niwashukuru wale wenzangu ambao tulirejeshwa na chama kuja kuomba ridhaa kwa wanaCCM na wajumbe wa CCM, zaidi nawashukuru sana wanachama wote na wajumbe wote kwa heshima hii kubwa waliyonipa ya kuendelea kuwa Mbunge wao."


"Leo nimekuja rasmi kuchukua fomu ya ubunge Jimbo la Hai, rai yangu kwa wana CCM kuendelea kushikamana, kuendelea kuombea chama chetu, lakini ninayo furaha kuwataarifu Mwenyekiti wetu wa CCM Taifa, Rais Samia Suluhu Hassan alichukua fomu na mimi niliwawakilisha wananchi wa Hai wakati naenda kuchukua fomu pale Dodoma, na mimi sina mashaka kabisa katika Jimbo letu la Hai, tuna jambo naye na yeye anatudai tuna hakika tutapata kura za kishindo kwa kazi kubwa iliyofanyika hapa,"amesema Mafuwe

Amesema "Sisi wanaCCM tukawe wakwanza kuhakikisha uchaguzi wetu unakuwa wa amani na utulivu na haki , sisi Wana Hai tuhakikishe uchaguzi unakuwa wa huru na haki lakini pia kwa umoja wetu tukumbe Wilaya ya Hai inajengwa na wanaHai , amani ya Hai itatunzwa na sisi wenyewe,"

Amesema kila mwana Hai anapaswa kufanya kampeni za kistaarabu kwa kuwa kuna maisha baada ya uchaguzi.

"Baada ya Oktoba uchaguzi utakuwa umeisha na wataendelea kuwa ndugu, lakini kampeni ziwake na utulivu na amani kila mmoja akimheshimu mwenzake , zaidi kuheshimu kanuni na miongozo iliyotolewa na Tume ya uchaguzi,"amesema Mafuwe 

Naye Msimamizi wa uchaguzi Jimbo la Hai, Aidan Angetile, amewataka wagombea ubunge kusoma na kuzikagua kwa makini fomu walizopewa na Tume ya uchaguzi (INEC) na kuzijaza kwa umakini na kuzingatia muda.

Mwisho.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more