REA YATEKELEZA KWA VITENDO MKAKATI WA NISHATI SAFI YA KUPIKIA


đź“ŚREA KUANZA  UUZAJI NA USAMBAZAJI MAJIKO BANIFU 6,488 MKOANI SONGWE

đź“ŚMAJIKO BANIFU 1,622 KUSAMBAZWA KILA WILAYA

đź“Ť SONGWE

Wakazi wa mkoa wa Songwe waaswa kuunga mkono jitihada za Serikali katika utunzaji wa mazingira na afya zao kwa kutumia nishati safi na salama ya kupikia.

Hayo yamebainishwa leo Agosti 28, 2025 wakati wa utambulishaji wa mradi wa usambazaji na uuzaji wa majiko banifu mkoa wa Songwe na mhandisi wa miradi kutoka wakala wa nishati vijijini, Kelvin Tarimo.

Mhandisi Tarimo amesema, serikali kupitia wakala wa nishati vijijini imeandaa mpango wa utekelezaji mkakati wa kitaifa wa matumizi ya nishati safi ya kupikia ili kufikia lengo la zaidi ya asilimia themanini 80% ya watanzania ifikapo 2034 wawe wanatumia nishati safi ya kupikia.


Mhandisi Tarimo ameendelea kwa kusema, katika kutekeleza mradi huu, Wakala wa Nishati Vijijini umeeandaa mpango wa uuzwaji wa majiko banifu 200,000 kwa bei ya ruzuku yenye ufanisi mkubwa katika utumiaji wake

Kwa mkoa wa Songwe, mradi huu unatarajia kugharimu  zaidi ya TZS Milioni 371.1 wakati wa utekelezaji wake na   majiko  6,488 kusambazwa katika wilaya nne za mkoa wa Songwe ambazo ni wilaya ya Momba, Mbozi, Ileje na Songwe ambapo kila wilaya itapata majiko 1,622.

Mhandisi Tarimo amesema mikataba ya mradi huu ilisainiwa tarehe 09 Mei, 2025 kati ya REA na mtoa huduma kampuni ya Greenway Grameen Infra Pvt Limited na ECOMAMA Tanzania Limited.


Mtoa huduma atauza na kusambaza majiko kwa bei ya ruzuku. Gharama ya jiko moja ni TZS 71,500 lakini serikali imetoa ruzuku ya asilimia 80 hivyo mwananchi atanunua kwa gharama ya TZS 14,300 tu.

Akipokea taarifa ya mradi huo Katibu Tawala wa Mkoa wa Songwe Dkt. Frank George Haule Hawasi amesema, 

"Kinachofanyika leo ni kuunga mkono jitihada za Mhe. Rais Dkt. Samia Suluhu Hassan za matumizi ya nishati safi na salama na ya kupikia na kuwasihi wananchi kuchangamkia fursa ya upatikanaji wa majiko haya banifu ambayo ni nafuu kwa gaharama na ufanisi mkubwa katika utumiaji wake.

Naye mwakilishi wa kampunj ya Greenway Gramen Infra Pvt Limited na ECOMAMA Tanzania Limited, ndugu Godfrey Komanya amesema,

" Mradi wetu huu unakuja kubadilisha mtazamo wa wananchi katika matumizi ya nishati ya kupikia kutoka kutumia  Nishati zisizo salama za kupikia na kuanza kutumia nishati safi na salama za kupikia" 



 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more