DC SHAKA: VIJANA MUWE NGUZO YA USALAMA NA MAENDELEO YA TAIFA

DC SHAKA: VIJANA MUWE NGUZO YA USALAMA NA MAENDELEO YA TAIFA

Na Christina Thomas, 

Kilosa, Morogoro.

Mkuu wa Wilaya ya Kilosa, Shaka Hamdu Shaka, amewataka vijana kote nchini kuendelea kuwa safu ya mbele katika kulinda usalama na mshikamano wa Taifa, akisisitiza kuwa hakuna maendeleo bila mazingira salama.

Akizungumza leo wakati wa kufunga mafunzo ya miezi minne kwa askari 114 wa Jeshi la Akiba (Mkupuo wa 20), yaliyofanyika katika viwanja vya Shule ya Msingi Mvumi, DC Shaka alisema usalama ni msingi wa ustawi wa uchumi, hasa kwa maeneo yenye rasilimali muhimu kama Morogoro na Kilosa.

“Jeshi la Akiba ni nguzo muhimu katika mfumo wa ulinzi wa Taifa letu. Katiba ya Jamhuri ya Muungano wa Tanzania inatambua wajibu wa kila raia kulinda uhuru, umoja, na usalama wa nchi yetu,” alisema.

Alitoa pongezi kwa Jeshi la Wananchi wa Tanzania (JWTZ) kupitia Makao Makuu na Kamandi ya Jeshi la Akiba kwa uratibu wa mafunzo yenye weledi na uzalendo, hatua inayoongeza idadi ya askari kila mwaka wilayani Kilosa.

Kwa kuwatia moyo wahitimu, DC Shaka aliwataka kuhakikisha mafunzo waliyopata yanatafsirika katika vitendo vya kila siku kwa kudumisha nidhamu, utiifu, na kujitolea katika huduma kwa Taifa.

“Mkiwa uraiani, ndeleeni kuwa mfano wa nidhamu, utiifu na uzalendo. Mnapoitwa kwa majukumu ya Taifa, jitokezeni bila kusita, mkiweka mbele maslahi ya nchi kuliko ya binafsi,” aliongeza.

Aidha, aliwaasa kushirikiana na vyombo vingine vya ulinzi na usalama katika kudhibiti majanga, kulinda raia, na kuzuia vitendo vya uhalifu kupitia utoaji wa taarifa sahihi kwa wakati.

DC Shaka alihitimisha kwa kuwataka vijana hao kuwa mabalozi wa amani na mshikamano, akibainisha kuwa Jeshi la Akiba ni chelezo la Taifa linalochangia kulinda dira ya maendeleo inayoongozwa na Amiri Jeshi Mkuu na Rais wa Jamhuri ya Muungano wa Tanzania, Mhe. Dkt. Samia Suluhu Hassan.





Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more