WAGOMBEA,WANACHAMA WA CCM VILIO JUU YA KURA ZA MAONI HAI


Na Mwandishi wetu,Kilimanjaro.


Hai. Mchakato wa kura za maoni wa Chama Cha Mapinduzi (CCM) katika Jimbo la Hai, Kilimanjaro, umelalamikiwa na baadhi ya wagombea na wanachama wakidai umejaa dosari ikiwemo rushwa, usafirishaji wa wajumbe na upendeleo wa wazi kutoka kwa baadhi ya viongozi.

Wanachama hao wamedai kuwa licha ya chama kuwa na utaratibu wa kuhakikisha uchaguzi wa ndani unasimamiwa kwa haki, wilayani Hai kulikuwa na changamoto nyingi zenye kuondoa uhalali wa mchakato huo.

Baadhi ya hoja zilizotolewa ni pamoja na majina ya wajumbe halisi kutokuwa bayana, kuruhusiwa kwa wajumbe wasio halali, huku wengine wakidaiwa kupiga kura zaidi ya mara moja.

Aidha, makatibu wa kata walitajwa kushiriki kampeni za kumpigia debe aliyekuwa Mbunge wa Hai, Saashisha Mafuwe.

Katika Kata ya Machame Kaskazini, Katibu wa Kata, Silaa, alisimamishwa baada ya kudaiwa kuandika barua kwa makanisa na misikiti akihimiza wananchi kumpigia kura Mafuwe.

Inadaiwa kuwa katika kata za Masama, Rundugai na Machame Mashariki, walikamatwa watu wakiwa na karatasi za kura zilizokwisha kupigwa.

Wanachama hao walidai pia kuwa siku ya kura za maoni baadhi ya wajumbe walisafirishwa kwa magari na kugawiwa fedha, wakisema kila mmoja alipokea Sh50,000 na maelekezo ya namna ya kupiga kura.

Wajumbe wa Kamati ya Siasa Wilaya ya Hai nao walitajwa kuingilia mchakato, akiwemo Mwenyekiti wa UWT Wilaya, Happiness Kimaro (Mama Mkami), aliyedaiwa kutoa maelekezo ya kumpigia kura Mafuwe katika Kata ya Masama Mashariki.

Akizungumza kwa njia ya simu kuhusu tuhuma hizo, Katibu wa CCM Wilaya ya Hai, Hamis Mkaruka Kura, alisema wamesimamisha Katibu Kata wa Machame Kaskazini kwa madai ya kukiuka utaratibu baada ya kuandika barua makanisani na misikitini akihimiza waumini wamchague Saashisha Mafuwe.

"Uchaguzi ulienda vizuri tu; sasa wanapodai kuwa makatibu kata waliharibu kura za maoni kwa kuwa wapiga kampeni  sio kweli; wanatokaje katika vyumba vya kupigia kura wakati wao ni wasimamizi, mengine ni hearsay (maneno ya kusikia)", alisema Katibu huyo.

Katibu huyo aliongeza kwa  kusema tuhuma za rushwa ni mambo ya kusikia kwani hadi sasa hajaletewa ripoti yoyote ya Taasisi ya Kuzuia na Kupambana na Rushwa (Takukuru) kuhusu vitendo vya rushwa wakati wa kura za maoni wilaya ya Hai zilipofanyika.

Mgombea ubunge wa Jimbo hilo Saashisha Mafuwe ambaye yupo katika kinyanganyiro ndani ya chama katika nafasi hiyo alipotafutwa kuzungumzia sakata hilo alikataa kuzungumza akisema mambo yote chama ndicho kinasimamia.

"Kwa sasa siwezi kusema lolote; kama unataka kuhusu hayo kawaone chama watakueleza mimi kwa  sasa hapana", alisema Mafuwe.

Kwa upande wake, Mkuu wa Taasisi ya Kuzuia na Kupambana na Rushwa (Takukuru) Mkoa wa Kilimanjaro, Musa Chaulo, alipoulizwa kama kuna watia nia wanaoshikiliwa na hatua zinazochukuliwa hususan wilayani Hai, alisema:

“Leo ni Jumapili, naweza nisiwe na takwimu. Ukihitaji taarifa njoo ofisini ndio utapata.Mimi nitakuwa nje kwa wiki mbili, lakini hata nisipokuwepo ofisi ipo na kuna watu wanaoweza kukusaidia,”.

Kwa mujibu wa taarifa yake iliyotolewa Julai 15 ,2025 na  Mkuu huyo wa Takukuru Mkoani hapa wakati akizungumza na watia nia wa ubunge kupitia CCM kutoka Jimbo la Vunjo na Moshi Vijijini kwenye kikao kilichofanyika katika ukumbi wa mikutano wa chama hicho alisema:

"Tumepokea malalamiko 11 katika ofisi yetu ya Takukuru, yanayohusiana na vitendo vya rushwa kwa baadhi ya watiania ya ubunge ndani ya CCM, tunaendelea kuyafanyia kazi na kuyachakata ili tuone ukweli wa malalamiko hayo," alisema Chaulo.

Aliongeza kuwa; "Tumeanza kuyachakata malalamiko hayo ili kubaini ukweli. Kipindi hiki cha uchaguzi malalamiko mengine ni ya watu kutengenezeana tuhuma ambazo sizo sahihi, lakini tupo makini katika kuhakikisha kila tuhuma tunayoipata tunaifanyia kazi kwa undani zaidi ili tuweze kupata uthibitisho.

Hatima ya watia nia wa ubunge na viti maalumu kupitia Chama Cha Mapinduzi (CCM) bado haijulikani, huku macho yakielekezwa kwenye kikao cha Halmashauri Kuu ya Taifa (NEC) kitakachofanya uteuzi Agosti 22.


Mwisho.


 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more