MAMA LISHE, BABA LISHE 250 WAKABIDHIWA MITUNGI YA GESI TABORA

MAMA LISHE, BABA LISHE 250 WAKABIDHIWA MITUNGI YA GESI TABORA.

Na Musa Mathias. 

Tabora, Tanzania.

Mama lishe na babalishe 250 wilayani Tabora wamekabidhiwa mitungi ya gesi 250 kwa ajili ya matumizi ya nishati safi, katika jitihada za kupambana na athari za mabadiliko ya tabianchi. Mitungi hiyo imetolewa na wadau wa maendeleo ikiwa ni sehemu ya kuunga mkono juhudi za serikali katika kuhamasisha matumizi ya nishati rafiki kwa mazingira.

Mitungi hiyo imekabidhiwa rasmi leo, Agosti 7, 2025, na Mkuu wa Wilaya ya Tabora, Bi. Upendo B. Wella, katika hafla iliyofanyika katika ukumbi wa Kanisa la Anglikana karibu na Chuo cha Walimu Tabora (TTC). Hafla hiyo imehusisha wadau mbalimbali wakiwemo Shirika lisilo la Kiserikali la Tabora Integrated Women Organization (TIWO) pamoja na Kampuni ya Tumbaku ya Japan Tobacco International (JTI).



Akizungumza wakati wa hafla hiyo, Bi. Upendo Wella ameishukuru TIWO na JTI kwa mchango wao mkubwa wa kuwezesha upatikanaji wa mitungi hiyo kwa mama lishe na baba lishe, akisisitiza kuwa serikali itaendelea kushirikiana na wadau wote wa maendeleo katika kuhakikisha jamii inatumia nishati safi.

"Tunapenda kuwapongeza na kuwashukuru wadau wetu, TIWO na JTI, kwa kuona umuhimu wa kusaidia kundi hili muhimu katika jamii yetu. Serikali ya awamu ya sita, chini ya Rais Dkt. Samia Suluhu Hassan, imeweka mkazo mkubwa katika matumizi ya nishati safi, na jitihada hizi ni mfano mzuri wa ushirikiano kati ya sekta binafsi na serikali," aalisema Bi. Upendo Wella.

Ameongeza kuwa lengo la kugawa mitungi hiyo ya gesi ni kuwawezesha mama lishe na baba lishe kuachana na matumizi ya kuni na mkaa ambayo si rafiki kwa mazingira, akiwataka wanufaika kutumia mitungi hiyo kwa uadilifu na kuepuka kuiuza.

Kwa upande wao, baadhi ya wanufaika wa mpango huo, akiwemo Bw. Juma Upepo na Bi. Mwajuma Funga, wameishukuru serikali pamoja na wadau waliowezesha upatikanaji wa mitungi hiyo. Wamesema kuwa hatua hiyo ni mwanzo mzuri wa kuelekea kwenye matumizi ya nishati safi na wameahidi kuachana kabisa na matumizi ya kuni na mkaa.

Mtendaji Mkuu wa Shirika la TIWO, Bi. Edith Mkwama, ameishukuru kampuni ya JTI kwa kufanikisha upatikanaji wa mitungi hiyo 250, na kutoa wito kwa wadau wengine wa maendeleo kushirikiana na shirika hilo katika miradi ya kijamii kama sehemu ya kurudisha kwa jamii kupitia programu za Uwajibikaji wa Makampuni kwa Jamii (CSR).

Matumizi ya kuni na mkaa yamekuwa chanzo kikubwa cha uharibifu wa misitu, uchafuzi wa hewa, na kusababisha matatizo ya kiafya kama vile kikohozi sugu, pumu na matatizo ya mapafu, hasa kwa wanawake na watoto wanaokaa karibu na majiko ya moshi mzito.
























Mwisho.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more