Kamati ya siasa ya chama cha Mapinduzi (CCM) Wilaya ya Moshi vijijini yaridhishwa na ujenzi wa barabara ya Spencon–Mabogini–Kahe Chekereni

Kamati ya siasa ya chama cha Mapinduzi (CCM) Wilaya ya Moshi vijijini yaridhishwa na ujenzi wa barabara ya Spencon–Mabogini–Kahe Chekereni.


Na Mwandishi wetu,
Moshi, Kilimanjaro. 

Kamati ya  siasa ya Chama cha Mapinduzi(CCM) Wilaya ya Moshi vijijini, mkoani Kilimanjaro imeridhishwa na ujenzi wa barabara ya  Spencon–Mabogini–Kahe Chekereni yenye urefu wa kilomita 31.25 inayojengwa kwa kiwango cha changarawe, ambapo  itagharimu zaidi ya Sh7 bilioni.

Kukamilika kwa ujenzi huo kutasaidia kurahisisha shughuli za usafiri na usafirishaji kwa watumiaji wa barabara hiyo pamoja na kuchochea shughuli za kiuchumi kwa wananachi wa kata tatu za Kahe Mashariki, kahe Magharibi na Mabogini.
Haya hivyo, leo  kamati hiyo ya siasa ya Chama cha Mapinduzi(CCM) imetembelea mradi huo  na kukagua ambapo wamemtaka mkandarasi anayetekeleza mradi huo kwenda kwa spidi ili kukamilisha mradi huo kwa wakati.

Akizungumzia mradi huo, Katibu wa chama cha Mapinduzi(CCM), Wilaya ya Moshi vijijini, Ramadhani Mahanyu amesema wameridhishwa na mradi huo na kumtaka mkandarasi kukamilisha kwa wakati uliopangwa.

"Tunamshukuru  Rais Samia Suluhu Hassan kwa kutuletea fedha nyingi za kuteketea miradi mbalimbali katika Wilaya yetu, hili ni jambo kubwa sana la kumpongeza Rais wetu, ametuheshisha sana katika Wilaya hii,"amesema Mahanyu.
 
Akizungumza, Mkuu wa Wilaya ya Moshi, Godfrey Mnzava amempongeza Rais Samia Suluhu Hassan kwa kutoa fedha nyingi za miradi ya maendeleo katika Wilaya hiyo na kusema wataendelea kusimamia fedha zinazotolewa na serikali kwa ajili ya kutekeleza miradi na kwamba watahakikisha fedha zinazotolewa zinaendana na thamani ya miradi hiyo.
"Sasahivi kwenye huu mradi tupo asilimia 19 ya utekelezaji wake, sisi kama serikali tutaendelea kuhakikisha tunakamikisha mradi huo kwa wakati kwa mujibu wa mkataba unavyosema na unaendana na fedha zilizolewa,"amesema DC Mnzava 

DC Mnzava amemtaka mkandarasi anayetekeleza mradi huo kwenda na spidi inavyotakiwa ili kuukamilisha kwa wakati.

Naye, Meneja wa Tarura Wilaya ya Moshi, Godfrey Mbena amesema kukamilika kwa ujenzi wa barabara hiyo ambayo inapita katika kata za Kahe Magharibi, Kahe Mashariki na Mabogini kutatoa fursa kwa wananchi wa maeneo hayo kufanya shughuli zao za kiuchumi na kijamii kwa urahisi.

"Barabara hii ina jumla ya kilomita 31.25 na  inapita katika kata 3 katikati ya vijiji 12.Brabara hii ni muhimu kwa kuwa ina wakazi wengi na wanajishughulisha na shughuli za kilimo ikiwemo cha mpunga na mbogamboga na pia hutumika kufika katika huduma mbalimbali za kijamii,"amesema 

Amesema "Katika mwaka wa fedha 2024/25 Tarura Mkoa wa Kilimanjaro tulipata mradi wa Sh7 bilioni toka mfuko wa barabara(Road fund) kwa ajili ya ujenzi wa barabara hii yenye kilomita 31.25 inayojengwa kwa kiwango cha changarawe katika Wilaya ya Moshi."

Aidha, amesema kukamilika kwa ujenzi huo kutaondoa na kupunguza maeneo  yenye vikwanzo na kufanya barabara kupitika katika kipindi chote cha mwaka bila changamoto kubwa.




Mwisho.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more